DUVI

Diario da Universidade de Vigo

Santiago Lago e Domingo Docampo afondaron neste tema nunha conferencia

Un achegamento aos retos da dixitalización da economía despois da pandemia

Estivo organizada pola delegación galega do Instituto Español de Analistas Financieros

Etiquetas
  • Estudantes
  • Medios
  • PAS
  • PDI
  • Público externo
  • Ourense
  • TIC
  • Universidade e empresa
  • Transferencia
DUVI Ourense 18/06/2020

Este mércores pola tarde a delegación galega do Instituto Español de Analistas Financieros organizou de xeito virtual a través da plataforma Zoom a conferencia Retos da economía galega na transformación dixital: que nos vai deparar a era pos-covid-19?. Entre os participantes estiveron Santiago Lago, catedrático de Economía Aplicada da Universidade de Vigo, e Domingo Docampo, tamén catedrático da mesma institución académica na Área de Telecomunicacións. A cita contou ademais coa intervención de César García, catedrático de Dereito Financeiro e Tributario da Universidade de Santiago de Compostela, e estivo moderada polos profesores tamén da USC Loreto Fernández e Luis Otero. Os participantes abordaron o impacto da crise desencadeada pola pandemia do coronavirus no proceso de transformación dixital en Galicia e os retos pendentes da economía dixital nesta comunidade autónoma, temas que teñen centrado diferentes traballos do Foro Económico de Galicia, dirixido por Santiago Lago e do que Domingo Docampo tamén forma parte.