Bos resultados do Club Universidade de Vigo na Liga Galega de Orientación
Esta fin de semana desputouse a segunda proba na Pastoriza, Marín
A segunda proba da Liga Galega de Carreiras de Orientación deixou esta fin de semana resultados satisfactorios para o equipo da Universidade de Vigo. No monte de Pastoriza, no concello de Marín e organizada polo Club A Roelo Montañeiros, nesta competición tomaron parte 24 deportistas do equipo universitario.
Entre os resultados desta xornada de orientación, destaca o segundo posto obtido por José Luís Armada, en categoría homes 35, e o décimo en homes elite da man de Gonzalo Fernández Casalderrey. No que se refire ás mulleres, Andrea Lorenzo Rodríguez foi cuarta en damas 20 e Alicia Pérez Alonso, quinta en damas elite.
Fóra de concurso, por parte da Universidade de Vigo tamén participaron Marek Grzelczak e Alexey Shavel que, nos percorridos de máis alto nivel das competicións oficiais, obtiveron cadanseu primeiro posto.