Cun 99,7% de prazas cubertas, a Universidade Vigo acada neste curso académico 2017-2018 a taxa de ocupación máis alta do sistema universitario galego. En total, matriculáronse neste curso na institución viguesa 3698 alumnos e alumnas de novo ingreso que, sumados ao resto do estudantado dos diferentes niveis, acada a cifra total de 20.873 estudantes. En concreto, 17.031 cursan estudos de grao, 2033 de mestrado e 1161 de doutoramento, aos que hai que sumar o alumnado de Esdemga e do Programa de Maiores nos tres campus. No referente ás cifras de alumnado de primeiro curso, en total son 3698 alumnos e alumnas, dos cales 2047 están matriculados no campus de Vigo, que ofrecía 2072 prazas; 936 en Ourense, que ofertaba 920 e 715 en Pontevedra, que ofrecía xustamente 715.
22/11/2017