Algo máis de medio cento de xuristas hispano-brasileiros están a participar esta semana na Facultade de Ciencias Xurídicas e do Traballo no III Foro Xurídico Brasileiro, unha cita que se consolida e que nesta ocasión trae ao campus o debate arredor do impacto que a intelixencia artificial ten no Dereito.
“Non basta previr os incendios do próximo verán, debemos previr os incendios da próxima década”. Esta foi unha das ideas subliñadas na tarde deste luns polos responsables do proxecto Firepoctep+, que ten como obxectivo identificar zonas clave na prevención e diminución dos efectos dos grandes incendios nas zonas fronteirizas entre España e Portugal.
Afondar nas “transformacións e retos aos que se enfronta a diplomacia nun ámbito político caracterizado por múltiples conexións e interdependencias entre os distintos niveis de goberno” é o obxectivo da xornada Gobernos rexionais e locais: tecendo relacións na escena internacional, que este venres se desenvolve na Facultade de Dirección e Xestión Pública.
Deseñar unha estratexia que poña en valor os múltiples servizos que o monte periurbano proporciona á sociedade e concienciar ao tecido social e empresarial vigués da crucial importancia do monte no benestar da sociedade. Este é o obxectiv do proxecto Montes Vigo 2046.
Máis de 300 especialistas no estudo das augas doces participarán o vindeiro mes de xuño en Vigo na 22ª edición do Congreso da Asociación Ibérica de Limnoloxía, unha cita que por primeira vez se celebra en Galicia, organizado desde a Universidade de Vigo.
Un equipo internacional formado por astrónomos e astrónomas de todo o mundo acaba de dar a coñecer o achado do buraco negro estelar máis masivo descuberto ata agora na Vía Láctea. A súa investigación foi publicada este martes pola revista Astronomy & Astrophysics e está asinada por 300 investigadores, entre eles, a catedrática da UVigo Ana Ulla.
Dos 17 ODS da Axenda 2030 foron os de Acción polo clima (13), Enerxía asequible e non contaminante (7), Produción e consumo responsable (12) e Industria, innovación e infraestruturas (9) nos que maioritariamente puxeron o foco os cinco Traballos Fin de Mestrado gañadores dos Premios Innovación Sostible da Cátedra Telefónica-UVigo 2023.
Obter un conxunto de datos sobre diferentes parámetros do rendemento físico, que permiten tanto definir a carga de adestramento, como observar a evolución dos xogadores do primeiro equipo. Isto é o que achega ao Club Cisne Balonmán a colaboración que mantén coa Facultade de Ciencias da Educación e do Deporte.
Investigadores do Grupo de Procesado de Sinal en Comunicacións e do Grupo de Antenas, Radar e Comunicacións Ópticas, ambos de atlanTTic, participaron no deseño dun sistema de antenas máis eficiente para os satélites destinados a comunicacións de alta capacidade.
Contribuír á transición dixital europea a través da investigación e do desenvolvemento de métodos de análise innovadores é o propósito da European Network on Digitalization and E-Governance, unha rede integrada por especialistas de doce países, entre os que se atopa o profesor de Dirección e Xestión Pública Celso Cancela.
Ofrecer unha visión xeral sobre os cambios que se están a producir na industria do deporte, nun contexto marcado pola transformación dixital e implantación de novas ferramentas tecnolóxicas, é o obxectivo central do Galicia Sportech Congress, que se desenvolve na Facultade de Ciencias da Educación e do Deporte.
Arranca en Vigo Biointegrasaúde 2024, encontro anual no que os tres institutos de investigación biomédicos galegos (Instituto de Investigación Sanitaria de Santiago de Compostela, Instituto de Investigación Biomédica da Coruña e o Instituto de Investigación Sanitaria Galicia Sur) fan unha posta en común da súa actividade científica.
O Centro de Investigación en Nanomaterias e Biomedicina, CINBIO, da Universidade de Vigo é unha das nove entidades seleccionadas para participar no consorcio europeo Adaptation, financiado con 3,6 millóns de euros de axudas Pathfinder da Unión Europea.
Coñecer o uso que as e os adolescentes galegos fan das tecnoloxías dixitais para a promoción da saúde é o propósito central do estudo que desenvolven as investigadoras da UVigo Ana Rey e Inés Táboas, no marco dun proxecto de investigación financiado polo Ministerio de Ciencia e Innovación e coordinado pola Universidad Complutense de Madrid.
Un ano máis, a Universidade de Vigo embárcase en La Aventura del saber. O programa de TVE2, que estreará nova temporada mañá mércores 3 de abril, volverá contar coas universidades españolas na sección Universo Sostible.