Teitos de cristal, fenda de coidados, movementos regresivos e negacionistas e, agora, o posible impacto da pandemia da covid-19 nun incremento da desigualdade entre mulleres e homes. Son moitas as frontes abertas para o feminismo na actualidade, algúns deles “dende hai milenios” e outros moi recentes, como explicaba o reitor da Universidade de Vigo este martes na inauguración do XIII encontro da Red de Unidades de Igualdad de género para la excelencia universitaria (RUIGEU). O simposio, organizado polas unidades de igualdade das tres universidades galegas, celébrase de xeito virtual ata este xoves día 17.
15/09/2020