A portavoz nacional do Bloque Nacionalista Galego, Ana Pontón, anunciou este martes nunha visita ao Centro de Investigacións Biomédicas da Universidade de Vigo, Cinbio, que os nacionalistas traballan nunha proposición de lei para a creación de 'Innogal'.
A Universidade de Vigo captou no 2021 1,5 millóns de euros para levar a cabo 10 ‘proxectos proba-concepto’, traballos dirixidos a impulsar cara o mercado os resultados da investigación e facilitar a súa transferencia á sociedade. Acaban de arrancar por diante quedan dous anos de traballo.
Diferencias de xénero tanto no tipo de videoxogos como no tempo que lle dedican a xogar con eles e escasa supervisión familiar. Estes son algúns dos resultados detectados nun estudo sobre a evolución do uso dos videoxogos realizado por persoal docente e investigador das facultades de Educación e Traballo Social e Historia do campus de Ourense.
Un informe médico ou unha comunicación oficial dos servizos sanitarios do resultado dunha proba diagnóstica de infección activa son as probas documentais que o alumnado da UVigo infectado por covid deberá presentar para xustificar que non pode realizar un exame na data fixada.
Dar a coñecer e proxectar a investigación máis aló dos laboratorios e achegala á sociedade. A divulgación é unha das funcións fundamentais das universidades, xunto coa docencia e a I+D, e a Unidade de Cultura Científica quere implicar o PDI nestas tarefas.
Os equipos de tenis da Universidade de Vigo comezaron esta fin de semana a súa participación nos campionato galegos por equipos absolutos, e fixérono, segundo Jorge Comesaña, o seu adestrador, dun xeito “inmellorable”.
Entre o 1 de setembro e o 31 de decembro do 2020 a pandemia aumentou un 44% a carga de traballo das persoas tituladas da Universidade de Vigo. Así se determina no estudo sobre o impacto laboral da segunda onda da pandemia realizado polo Observatorio de Persoas Tituladas.
O impacto da fibromialxia na saúde das persoas que a padecen redúcese significativamente tras a aplicación dunha intervención de 14 baños con auga mineromedicinal e dita mellora mantense de forma significativa ata oito meses.
A Área de Normalización Lingüística da UVigo dedica este ano o seu tradicional calendario a pór en valor o labor dos diferentes servizos e unidades administrativas da Universidade de Vigo a prol do fomento do galego.
Tras as festas de Nadal e co regreso á actividade lectiva e laboral, é tamén o momento de retomar a actividade física e deportiva. Un xeito práctico e sinxelo de facelo é a través do Abono mUVer.
A Universidade de Vigo pedirá á Xunta de Galicia a implantación, en exclusiva, do Mestrado en Enxeñaría Aeronáutica. Así o aprobou este xoves por unanimidade o seu Consello de Goberno nunha sesión extraordinaria convocada co obxectivo de desbloquear a situación deste título e poder implantalo o vindeiro curso académico 2022/2023.
Investigadoras e investigadores internacionais participarán ata mañá no congreso (Des)escribindo a frontera: identidades liminais humanas e non humanas que se celebra nas facultades de Filoloxía das universidades de Vigo e Santiago de Compostela.
“Copérnico é un dos autores que máis influíu no devir da ciencia e resultaba sorprendente non dispoñer dunha versión en galego da súa obra”. A esta situación foi a que lle puxeron solución Nicanor Alonso, Raúl Gómez e Miguel Mirás, coa primeira tradución ao galego da obra de Nicolás Copérnico Sobre a revolución dos orbes celestes.
Catedrático de Medicina Legal da Universidade de Santiago de Compostela, investigador e experto internacional en xenética, director da Fundación Pública Galega de Medicina Xenómica e un longo etcétera de méritos converten ao galego Ángel Carracedo e ao seu grupo de investigación en referentes internacionais no seu eido.
A Facultade de Ciencias Empresariais e Turismo do campus de Ourense acollerá durante o mes de febreiro a celebración presencial dun curso de Introdución á Analítica de Datos con Power Bi, software de Microsoft considerado un dos referentes no eido da analítica de datos e a intelixencia de negocio.