“Contribuír desde a arte a xerar unha memoria crítica que se enfronte ao discurso único que se nos impón” é o propósito fundamental de Nivel Fértil, a exposición inaugurada na tarde deste xoves na Sala X. Así o destaca a súa comisaria, Monse Cea, que coa idea de promover unha reflexión sobre as moitas vítimas anónimas da sublevación militar de 1936 e da ditadura do xeneral Franco, reúne neste espazo expositivo dúas visións “diferentes pero complementarias”, as de Marta Prieto, a neta dun mestre fusilado en 1937, e Jorge Varela, un historiador especializado na represión que sucedeu á Guerra Civil.
05/06/2014