Novas do DUVI

Un grupo de investigación analiza as pegadas da cultura homosexual na sociedade

A homosexualidade e as súas pegadas nos máis diversos ámbitos do espazo cultural, centran o traballo que desenvolve o grupo de Minorías e Cultura Gay Lésbica Bisexual e Transexual (GLBT) de Galicia. O obxectivo é afondar e descubrir, no eido das humanidades e, especialmente no mundo da arte, as marcas homoeróticas que impregnan a cultura e a sociedade.

Finisterre, unha curtametraxe que reflexiona sobre a morte na sociedade galega

A praia de Cesantes foi testemuña da rodaxe de Finisterre, unha curtametraxe realizada por un grupo de estudantes de Publicidade e Relacións Públicas. A obra reflexiona sobre o tema da morte na sociedade galega. O obxectivo é transmitir a especial idiosincrasia dun tipo galego, arraigado á súa terra e ás súas costumes. Finisterre pretende invitar ao espectador a reflexionar sobre o peso que o momento da morte ten na vida das persoas.

“As caixas e os mapas para non perderse” de Anne Heyvaert

A galería madrileña "El mono de la tinta" acollerá, a partir de mañá, e ata o vindeiro 6 de novemebro, o traballo da profesora de Belas Artes, Anne Heyvaert. Na exposición, a autora presenta unha selección de obra gráfica realizada nos últimos anos: augafortes e outros recursos para as “caixas sobre cartón” e litografías, series e variacións para os “mapas e planos” dos múltiples lugares onde viviu e por onde viaxou.

A vangarda artística de Fronteiras 07 dáse cita no campus

O I Encontro Internacional de Artes Transdisciplinares, Fronteiras 07, chega á súa parada final en Galicia, coa inauguración dunha exposición que recolle os traballos realizados no marco do evento. A Casa das Campás e a sala X da Facultade de Belas Artes acollerán, ata o vindeiro 13 de novembro, as obras dos dez artistas que participaron nas residencias da Illa de San Simón e a vila portuguesa de Nodar. Unha vez clausurada a mostra en Pontevedra, Fronteiras 07 viaxará, o vindeiro 20 de novembro, ás Termas de San Pedro do Sul en Portugal.

O requisito é dar a talla

A titulación de Estudos Superiores en Deseño Téxtil e Moda está a organizar un casting de modelos para o desfile de final de curso da primeira promoción. A selección terá lugar o vindeiro 19 de outubro ás 17.00 horas, na Facultade de Belas Artes. Búscanse un total de 18 rapaces sen importar o sexo, a beleza ou o peso. O único requiso esixido é medir máis de 1.70 centímetros. “Hai cabida para todos, o único que se pide e unha estatura mínima”, apunta Cristina Varela, subdirectora de Esdemga.

“Esta é unha profesión que precisa vocación de servizo aos demais”

Manuel Gutiérrez, profesor do departamento de Bioloxía Funcional e Ciencias da Saúde, asumiu, dende o pasado 18 de setembro, o cargo de máximo responsable da Escola Universitaria de Fisioterapia, tomando así o relevo de Gustavo Rodríguez. Esta non é a súa primeira experiencia en cargos directivos xa que, Gutiérrez desempeñou, con anterioridade, a subdirección e dirección da Escola dende o ano 1995.

Intercambio de “afinidades” entre membros de Belas Artes

A Casa Galega da Cultura de Vigo acolle unha mostra composta por artistas que se interrelacionan. Estudantes, profesores e antigos alumnos da Facultade de Belas Artes expoñen catro obras compostas a partir da procura entre creadores. Esta búsqueda de afinidades deu como resultado un un proxecto no que se dan a man diferentes eidos artísticos como a videocreación, a pintura ou a fotografía.

Pontevedra converterase en punto de referencia a nivel internacional en materia de deporte e terceira idade

A partir do vindeiro 18 de outubre, Pontevedra converterase en sede do XI Congreso Internacional sobre Actividade Física, Promoción da Saúde e Envellecemento. O simposio ten, entre os seus obxectivos, promover o intercambio de experiencias, investigacións e estudos relacionados coa práctica do deporte na terceira idade.

Segunda parada: a Casa das Campás

Tralas residencias artísticas celebradas na Illa de San Simón e a vila portuguesa de Nodar, o I Encontro Internacional de Artes Transdisciplinares, Fronteiras 07 trasládase agora á sede da vicerreitoría do campus de Pontevedra para continuar co seu programa de actividades.
O fío condutor do encontro é o tema transfronteirizo, analizado dende perspectivas tan variadas como a social, sentimental ou política, pero tamén destaca o concepto de diversidade, xa que no evento participan artistas de múltiples nacionalidades.

Os maiores tamén van a clase

Que facer co tempo libre a partir dos 55 anos? Esta é unhas das preguntas que máis dun xubilado e prexubilado se fai ao chegar a esta etapa da vida. Como alternativa enriquecedora para encher as horas de ocio, a Universidade, a través da Vicerreitoría de Formación e Innovación Educativa, ofrece o Programa de Maiores. Trátase dun proxecto que, inserido nas Aulas de Formación Aberta, nace co obxectivo de promover o coñecemento científico e cultural nas persoas maiores.

Anxo Carracedo aborda os segredos da Medicina Legal na Casa das Campás

O catedrático da USC e director do Instituto de Medicina Legal de Galicia, Anxo Carracedo, exporá na Casa das Campás os últimos avances en materia de Xenética. As posibilidades que ofrece o ADN na identificación de cadáveres serán o eixe deste relatorio enmarcado no cilo Cultura Conciencia.

Convocadas 53 bolsas para árbitros nos campus de Pontevedra e Vigo

Xornada de portas abertas para os alumnos de primeiro curso

A EUET Forestal acolleu o acto de presentación do curso académico 2007-2008 aos alumnos matriculados en primeiro. O obxectivo era dar a benvida aos novos estudantes e presentarlles a Universidade e a titulación que acaban de escoller. Ao longo da sesión, ademais das explicacións do director da Escola e dos subdirectores, Carlos Basalo e Henrique Lorenzo, os alumnos recibiron numerosa documentación onde se detallaban aspectos como plano de estudos, programas formativos e de intercambio ou as saídas profesionais.

O perfil máis descoñecido da gaiteira ourensá

A cidade de Nova York converteuse, o pasado mes de abril, en plató de excepción para a rodaxe de “Cristina Pato. Talento galego no Greenwich Village”. Un documental que, dirixido polo profesor de Comunicación Audiovisual, Xaime Fandiño, foi estreado hai uns días no espazo Galicia Documental da TVG. “A idea deste traballo era ofrecer unha visión inédita da artista”, sinala o director, quen apunta que “Cristina deuse a coñecer como gaiteira pero o que case non se sabe é que ten detrás unha traxectoria como pianista moi importante".

Unha travesía polo mundo dos recordos a través das ondas

Trinta anos de percorrido pola historia das ondas na cidade de Vigo centran o último traballo do profesor da Facultade de Ciencias Sociais e da Comunicación, Pedro Pablo Gutiérrez.
Baixo o título “Historia da Radio en Vigo: 1920-1950”, o docente recolle os resultados dunha investigación que iniciou no seu traballo de doutoramento: “un profesor da Complutense suxeriume a idea, e foi así como comecei a mergullar nas orixes deste medio”, apunta Gutiérrez.