Arredor de medio centenar de estudantes do Ciclo Superior de Educación Infantil no CIFP Portovello achegáronse este luns ao campus de Ourense para participar nunha xornada na Facultade de Educación e Traballo Social na que traballaron arredor do fomento da lectura na primeira infancia.
A Facultade de Relacións Internacionais do campus de Ourense organiza, con motivo do 8 de marzo Día Internacional da Muller, a xornada International Women’s Day. Invest in women. Está aberta ao público interesado.
Este venres Manuel Reigosa, reitor da Universidade de Vigo, remitiu á comunidade universitaria unha carta aberta sobre a integración das escolas adscritas de Enfermaría na UVigo.
A Escola Superior de Enxeñaría Informática do campus de Ourense acolle do 1 ao 3 de febreiro as xornadas de formación da Reunión de Estudiantes de Ingenierías Técnicas y Superiores en Informática (RITSI), entidade que reúne a alumnado de 36 centros estatais con titulacións en informática.
Tras celebrarse onte no campus de Vigo e Pontevedra, este xoves o campus de Ourense deu a benvida ao alumnado estranxeiro que este segundo cuadrimestre completará a súa formación nalgunha das súas facultades e escolas. Trátase de 26 estudantes.
Este martes pola noite, o Teatro Jofre de Ferrol acolleu o acto de entrega das distincións ao mérito deportivo da Xunta de Galicia, presidido polo presidente Alfonso Rueda. Entre as 108 persoas e entidades que as recibiron estiveron os profesores do campus de Ourense Patricio Sánchez e María del Pino Díaz.
Cada venres desde o 23 de febreiro ao 3 de maio, o campus de Ourense acollerá a celebración dunha nova edición do curso do Módulo Jean Monnet sobre o Pacto Verde Europeo. O obxectivo desta iniciativa é dar a coñecer e fomentar o debate sobre a política e o dereito ambiental da Unión Europea.
O venres 2 de febreiro pola tarde o Campus Remoto da Universidade de Vigo acollerá a celebración dunha nova edición de Expouniversitas. Forum de Innovación e Investigación Educativa.
A programación 2024 das rutas culturais da Área de Benestar, Saúde e Deporte da Universidade de Vigo arranca este sábado 27 de xaneiro. Será cun percorrido polo coto de Novelle e a vila termal de Arnoia (Ourense).
Coa ollada posta nas eleccións galegas do vindeiro 18 de febreiro, este luns o campus de Ourense recibiu a visita da cabeza de lista do BNG por Ourense, Noa Presas, acompañada por membros desta lista e do seu partido.
O pasado mes de agosto as administracións provincial, autonómica e estatal crearon a Mesa Termal de Ourense, unha unidade de coordinación para impulsar a ampliación e a sostibilidade do sector termal na provincia.
O campus de Ourense abriu este martes as súas portas a 400 estudantes preuniversitarios procedentes de centros educativos da provincia e de Monforte de Lemos. Ao longo da mañá, rapazas e rapaces tiveron a oportunidade de coñecer de primeira man as instalacións e titulacións.
A programación de rutas culturais da Universidade de Vigo xa está en marcha. Este cuadrimestre serán seis as andainas que se celebrarán desde o 27 de febreiro ao 20 de abril.
Alumnado do Grao de Ciencias Ambientais está a celebrar ata o martes 16 o I Congreso de Ecoloxía da Facultade de Ciencias de Ourense, póndose na pel de verdadeiros investigadores e investigadoras.
A Escola Superior de Enxeñaría Informática (ESEI) do campus de Ourense recibiu este xoves pola tarde a visita de arredor de 40 estudantes da Escola Profissional de Trancoso (Guarda, Portugal), acompañados de docentes dese centro.