O curso académico 2011/2012 está chegando ao seu fin e é hora de que os alumnos foráneos que se desprazaron a estudar a Ourense regresen aos seus fogares. Entre eles, e dun xeito especial, están os estudantes de intercambio que este cuadrimestre estiveron no campus ao abeiro de diferentes programas de mobilidade internacional. Un a un, e a medida que rematan os exames, están regresando aos seus países de orixe e todos eles, afirman, din adeus cun moi bo recordo da cidade de Ourense, da vida académica na Universidade de Vigo e da experiencia persoal de estudar no que para eles e elas é o estranxeiro.
05/06/2012