Dos 1600 mestres republicanos que exerceron o seu labor na provincia de Ourense, 600 sufriron algún tipo de sanción durante a represión franquista. A maioría destes, os que tiveron máis sorte, foron suspendidos de emprego e soldo temporalmente, trasladados de provincia ou inhabilitados para cargos directivos. Pero aproximadamente 120 foron apartados definitivamente do ensino e os que correron peor destino foron os 15 docentes asasinados. Todos eles persoas “que desempeñaron un gran labor, social, cultural e político”, explicou Xosé Manuel Cid, vicedecano da Facultade de Ciencias da Educación.
22/01/2009