Malia o que poida parecer, non todos os estudantes do campus están xa de vacacións. Precisamente, os expertos en organizar as viaxes dos demais, os alumnos da primeira promoción do Máster en Dirección e Planificación do Turismo, aínda rematan esta semana o curso coa defensa dos seus proxectos de fin de posgrao. Apurando ata o final o mes de xullo, unha vintena de mozos e mozas presentarán os seus traballos ao longo dos días 30 e 31 ante un tribunal formado polos profesionais máis representativo do sector turístico. Dunha banda, profesores das Universidades de Vigo e A Coruña e doutra, expertos como o director xeral de Turismo, Rubén Lois, o xerente do INORDE, Jose Manuel Rodríguez, ou os responsables de establecementos hostaleiros de recoñecido prestixio coma o Parador dos Reis Católicos de Santiago ou do grupo Caldaria, entre outros, serán os encargados de avaliar os proxectos.
30/07/2008