Diario da Universidade de Vigo
As tres categorías xogaron nas instalacións universitarias
Os equipos de xadrez do campus acadan resultados moi desiguais na segunda xornada de liga
O Universitario de Ourense A perdeu contra Benchoshey Sénior
Os partidos disputáronse no pavillón de estudantes do campus
Imaxe dun dos encontros disputados esta fin de semana no campus
Os equipos do campus acadaron unha vitoria, unha derrota e un empate
Os equipos que representan ao campus de Ourense na liga galega de xadrez disputaron esta fin de semana os encontros correspondentes á segunda xornada, acadando resultados moi desiguais. En primeira división, o Universitario de Ourense A perdeu contra Benchoshey Sénior por 0-4, con derrotas de Diego Vidal, Marcos Reza, Miguel Reza e Adrián González. En segunda división, o Universitario de Ourense B gañou 3-1 contra Benchoshey Fischer, con vitorias de Álvaro Suárez e Rodrigo Arias e táboas de David Feijóo e José Jaime Viso. Por último, en terceira división, o Universitario de Ourense C empatou con Xadrez Verín C, con vitoria de Nuel Vázquez, táboas de Alejandro Garrido e Sergio de Soto e derrota de Víctor López.