Na xornada “Políticas de Seguridade no Marco da Cultura de Defensa”
A seguridade como concepto global, a debate durante dous días
Hoxe tódolos estudantes de Ciencias Sociais botaban unha ollada aos máis de 50 alumnos da Escola Naval Militar de Marín que, ataviados cos seus uniformes, se adentrában na facultade. A razón era a celebración das xornadas sobre “Políticas de Seguridade no Marco da Cultura de Defensa” que, por cuarto ano consecutivo, acolle a Universidade de Vigo co obxectivo de analizar a seguridade desde un punto de vista de política pública. “Cada vez vai a ser máis estreita a colaboración da Universidade coas escolas militares. Os temas de defensa son parte da formación que todos debemos ter”, comentou o decano do Colexio Nacional de Doutores e Licenciados en Ciencias Políticas e Socioloxía, Miguel ángel Ruiz de Arzúa.
Pola súa banda o director do Instituto Español de Estudos Estratégicos (I.E.E.E.) do Ministerio de Defensa, Vicealmirante Jaime Rodríguez-Toubes Núñez, asegurou que “os temas de seguridade e defensa aféctannos a todos, hoxe temos contacto con máis de 30 universidades onde realizamos numerosas actividades que cada vez son máis demandadas”.
As xornadas en detalle
Esta actividade ten a súa razón de ser na posibilidade de suscitar o debate sobre as cuestións máis recentes relacionadas coa seguridade como concepto “global”, é decir, como factor interno e externo de xestión das crises, todo elo no marco da cultura da defensa e no contexto particular da Comunidade Autónoma de Galicia.O relatorio inaugural veu da man do representante do I.E.E.E., o capitán de corbeta Joaquín Castellón Moreno, quen falou sobre Política de Seguridade Española. Ao longo de todo o día os asistentes poderán escoitar as ponencias Desafíos á seguridade no Mediterráneo e no Norte de África, Forzas Armadas e Medios de Comunicación, e Intelixencia ao Servizo do Cidadán. Para finalizar o día terá lugar a mesa redonda As Políticas Públicas de Seguridade coa destacada presenza da Directora Xeral de Interior, Consellería de Presidencia, Administracións Públicas e Xustiza da Xunta de Galiza, Isabel Durántez. As sesións, presididas polo decano da facultade, Alberto Pena, rematarán este mércores cunha visita guiada para todos os participantes á Escola Naval Militar de Marín.
A Cátedra Almirante Álvarez Osorio
A Universidade de Vigo mantén contacto con empresas e institucións a través de distintas cátedras, cada unha delas cun cometido claramente definido. A Cátedra Almirante Álvarez Osorio subliña as boas relacións de colaboración entre a Universidade e a Escola Naval Militar de Marín, patente tanto na área das telecomunicacións como no uso das instalacións deportivas do campus de Pontevedra polo persoal militar da Escola.