Congreso CoDi

UVigo - Comunicación 12/06/2024

A Universidade de Vigo e Ediciones Profesionales de la Información, SL organizan o Congreso de Divulgación, Transferencia e Impacto Social da Ciencia - CoDi os días 12, 13 e 14 de marzo de 2025 en Ourense.

A divulgación e a transferencia da ciencia, e o estudo do seu impacto na sociedade son cruciais na era contemporánea, onde o coñecemento científico avanza a pasos axigantados. A ciencia, ao ser un piar fundamental do progreso, non só moldea o noso entendemento do mundo, senón que tamén inflúe de maneira importante na sociedade no seu conxunto. A divulgación científica non só democratiza o acceso ao saber, senón que tamén fortalece a relación entre a comunidade científica e o público en xeral, impulsando a toma de decisións informadas.

É esencial comprender como as innovacións científicas afectan a sociedade, os seus valores e a súa estrutura. Un congreso dedicado a estes temas proporcionará un espazo para o intercambio de ideas, a análise crítica e a colaboración entre a comunidade científica, divulgadora e profesional de diversas disciplinas. A través deste evento, buscamos avanzar cara a unha comprensión máis profunda de como a ciencia pode contribuír positivamente ao benestar social e como podemos tratar os desafíos éticos e sociais que xorden no camiño do progreso científico.

Xustificación

Parece un momento adecuado para organizar este congreso, debido a que no mundo da ciencia vai calando cada vez máis a idea de que a sociedade, que cos seus impostos paga a investigación científica, ten o dereito para recibir os seus beneficios ou polo menos saber como e en que se investiron os seus diñeiros. A sociedade debe empoderase para ser tamén protagonista e influír nas decisións sobre que problemas son máis prioritarios investigar.

Os científicos e científicas van sendo conscientes de que, ademais de dar a coñecer os resultados das súas investigacións aos seus colegas, a través de revistas e congresos, tamén deben transmitilos e explicalos ao público, ou polo menos saben que o teñen como unha materia pendente.

Tan importante como a divulgación en si, é a medición do seu impacto na sociedade. Por iso, o congreso busca a participación dos expertos e expertas en indicadores informétricos e altmétricos que poidan achegar as súas metodoloxías.

Obxectivos

Fomentar o intercambio de coñecementos científicos entre expertos e expertas.
Promover a divulgación científica entre a comunidade académica e o público en xeral.

Temáticas

Investigación e traballos conceptuais sobre comunicación, transferencia, difusión e divulgación da ciencia.
Como afectan a impacto social da ciencia o xénero, a etnia, a discapacidade, a colaboración internacional, a ética na investigación, a educación, a alfabetización, as desigualdades socioeconómicas…
Impacto social como dimensión clave da reforma da avaliación da ciencia.
Indicadores e métodos para medir o impacto.
Consecución de obxectivos de desenvolvemento sostible (ODS).
Redución das fendas existentes.
Ciencia cidadá e involucración da cidadanía. Percepción cidadá da ciencia.
Proxectos concretos de transferencia con empresas e colectivos diversos.
Estratexias para mellorar a divulgación.
Papel dos medios de comunicación e as redes sociais.
Difusión de resultados e impacto de audiencias amplas en canles audiovisuais como YouTube, Instagram ou TikTok.
Rol das distintas canles non científicas: métodos informais de divulgar e de transferir a ciencia.
Estratexias e métodos orixinais para mellorar a comunicación, transferencia, difusión e divulgación da ciencia.
Ética na difusión e na comunicación da investigación.
Aplicacións da IA xenerativa para a produción de contidos multimodais de divulgación e de difusión de resultados de investigación.
Divulgación e transferencia como elementos nucleares da ciencia aberta.
Inclusión da divulgación e da transferencia na redacción de proxectos de investigación para convocatorias competitivas.
Políticas nacionais.
Impacto da ciencia en políticas e normativas públicas.

Consello científico

Na seguinte ligazón podes consultar a composición do consello científico do Congreso de Divulgación, Transferencia e Impacto Social da Ciencia - CoDi: