Hackathon OdiseIA4Good 2026

Xa están abertas as inscricións ao Hackathon OdiseIA4Good 2026, unha iniciativa internacional impulsada polo Observatorio do Impacto Ético e Social da Intelixencia Artificial, co respaldo de Google.org e da Fundación Pablo VI e coa colaboración educativa da Universidade de Vigo.

Obxectivo

Deseñar solucións de intelixencia artificial orientadas a resolver problemáticas que afectan colectivos vulnerables: persoas maiores; nenos e nenas e mozos e mozas en risco; persoas migrantes e refuxiadas; persoas con discapacidade; e comunidades afectadas polo cambio climático ou por destastres naturais.

Quen pode participar

O hackathon está dirixido a todas as persoas maiores de idade ou as organizacións comprometidas co uso da intelixencia artificial para xerar impacto social positivo en colectivos vulnerables: estudantes; investigadores e investigadoras; emprendedores, empresas e start-ups; profesionales; entidades sociais, asociacións e ONG; e administracións públicas.

Como participar

1. Inscríbete individualmente ou en equipo (ata oito persoas)
   Podes representar unha organización ou participar a título persoal.
2. Presenta o teu proxecto na web oficial
   Terás que describir o proxecto e como a IA é a base da túa solución.
3. Supera a fase de selección
   O xurado valorará a innovación, o impacto social, a viabilidade técnica e a claridade.
4. Se es finalista, empezará a verdadeira experiencia
   Accederás a mentorías, obradoiros e guía personalizada para fortalecer o teu proxecto.
5. Final presencial (en Madrid, do 23 ao 25 febrero de 2026)
   Tres días intensivos de traballo, conferencias e acompañamento experto.
6. Elevator pitch + demostración + voto aberto
   A túa solución será avaliada por especialistas en IA, por entidades sociais e polo público.

Calendario

Inscricións: ata o 20 de xaneiro de 2026​​​

Selección das propostas finalistas: 26 de xaneiro de 2026

Gran final presencial: do 23 ao 25 de febreiro de 2026

Inscrición

Antes de completar a túa inscrición, recomendámosche consultar a guía rápida de participación e ler as bases legais do hackathon.

Animámoste a participar!

Inscrición

Novas 

• A Universidade únese ao hackathon OdiseIA4Good co obxectivo de impulsar unha intelixencia artificial con impacto social real (3/12/2025)