II Xornadas galegas sobre protección e defensoría de mulleres defensoras de dereitos humanos

Nesta xornada analizarase o impacto das recentes medidas impulsadas polo goberno dos EUA na defensa dos dereitos humanos no ámbito global, así como os riscos que implica a actual deriva ideolóxica en Europa sobre os sistemas de protección internacional.

Esta actividade é parte do programa Galicia Abriga, Programa Galego de Acollida Temporal de Mulleres Defensoras de Dereitos Humanos.

O programa nace en 2024 para que mulleres de organizacións e de movementos sociais de países nos que a cooperación galega ten presenza, poidan saír temporalmente do contexto de risco para a súa integridade física e psicolóxica no que se atopan, debido ao
seu labor como defensoras de dereitos.

As actividades de Galicia Abriga están coordinadas por tres ONG galegas: Solidariedade Internacional, Agareso e Ecos do Sur e financiadas pola cooperación galega e a cooperación local.

A Universidade de Vigo é parte da rede de apoio deste programa, conxuntamente con outras 15 entidades galegas.