IV Concurso de vídeos Móvete polos ODS: votacións abertas

Ata o 25 de outubro, ás 13:00 horas, estará aberto o prazo para votar os mellores vídeos do concurso Móvete polos ODS da Rede Galega de Cooperación Universitaria ao Desenvolvemento.

O concurso ten a finalidade de dar a coñecer os obxectivos de desenvolvemento sostible (ODS) da Axenda 2030 das Nacións Unidas e de sensibilizar a comunidade universitaria e a sociedade en xeral, sobre a importancia de que todas as persoas formemos parte da solución aos grandes retos mundiais.

Os vídeos gañadores serán os que teñan máis gústames en Youtube o día 25 de outubro, ás 13:00 horas (non se terán en conta o número de interaccións, senón os gústames únicos).

Premios

• Primeiro premio ao vídeo máis votado: 550 € 
• Segundo premio ao segundo vídeo máis votado: 350 €
• Terceiro premio ao terceiro vídeo máis votado: 200 € 
• Premio á innovación: 400 €  

Convidámosvos a ver e a votar os vídeos a través da seguinte ligazón:

VÍDEOS