Repensar a educación para ‘resetear’ o sistema

Esta actividade formativa está destinada ao profesorado da Universidade de Vigo que cre que é preciso traballar cara a unha educación universitaria transformadora que fomente a reflexión crítica, a conciencia social e a acción colectiva para contribuír a un mundo máis xusto e equitativo.

Obxectivos

• Fortalecer a capacidade do PDI para vincular o seu labor coa sustentabilidade e a transformación social da súa contorna desde un compromiso solidario en liña cos obxectivos de desenvolvemento sostible da axenda 2030.
• Impulsar o uso de metodoloxías de ensino-aprendizaxe activas e participativas que promovan a formación de profesionais críticos, reflexivos e comprometidos coa mellora da súa contorna.
• Contribuír á construción dun currículo educativo sostible en liña coa Axenda 2030 , as normativas de aplicación universitaria e o plan estratéxico da Universidade de Vigo.

Desenvolvemento

• Curso en liña de 25 horas de duración.
• Catro sesións en liña síncronas de tres horas (unha por bloque) e o acceso a materiais formativos de autoestudo
• Será preciso realizar unha actividade final.
• Datas: do 1 ao 30 de novembro.
• As sesións síncronas terán lugar os venres 8, 15, 22 e 29 de novembro, de 11:30 a 14:30 horas.

Inscrición