Vicerreitoría de Profesorado e Ordenación Académica

A catedrática do Departamento de Bioloxía Vexetal e Ciencias do Solo, Adela Sánchez Moreiras (Vigo,1971) é investigadora do Grupo de Agrobioloxía Ambiental: Calidade, Solos e Plantas e membro da xunta directiva do Instituto de Agroecoloxía e Alimentación. Licenciada en Bioloxía pola Universidade de Santiago de Compostela, logo de acadar o seu doutoramento en Fisioloxía Vexetal no ano 2004, iniciou a súa carreira investigadora no Instituto Max Planck de Ecoloxía Química (Alemaña). No ano 2007 incorporouse á UVigo, onde foi nomeada catedrática en 2023. Ao longo da súa traxectoria realizou estadías de investigación en EEUU, Francia, Alemaña e Italia, ademais de exercer entre os anos 2010 e 2018 como secretaria e presidenta da mesa do PDI laboral. 

• As de elaboración do cadro teórico de persoal docente e investigador e a súa regulación e planificación a curto, medio e longo prazo, e a elaboración da proposta anual de masa salarial do dito persoal.
• As de elaboración e de modificación dos plans de organización docente e do cadro de persoal docente.
• As relativas aos concursos de profesorado.
• A aprobación das listaxes provisionais e definitivas de admitidos e excluídos nos concursos de persoal docente funcionario e contratado.
• As referentes aos programas de promoción e estabilización do persoal docente e investigador, en coordinación coa Vicerreitoría de Investigación, Transferencia e Innovación.
• Todos os actos relativos á situación administrativa do persoal docente, incluídos os procedementos de xubilación e compatibilidades, así como a comunicación do recoñecemento dos complementos retributivos autonómicos.
• Asinar os contratos, os nomeamentos e os cesamentos do PDI laboral e do PDI funcionario.
• As referentes á ordenación de estruturas académicas, áreas de coñecemento, departamentos e centros, no relativo á súa actividade docente, en coordinación coa Vicerreitoría de Titulacións e Innovación Docente.
• Dirixir a negociación colectiva, asinar pactos e acordos e ditar resolucións e ordes de execución en materia de persoal docente e investigador.
• A proposta de actualización ou modificación da normativa de xestión académica.
• As relacionadas coa tramitación e resolución de procedementos que teñan relación coas competencias obxecto de delegación.
• As referidas á convocatoria de bolsas propias no ámbito das competencias delegadas nos puntos anteriores e os seus procedementos derivados.

• Calendarización e visibilización dos procesos en curso e previstos na vicerreitoría.
• Mellora das ferramentas de xestión de acreditacións e de recoñecementos docentes
• Integración das fontes de datos e automatización de lotes de operacións desde e cara a Xescampus, Sigma, PeopleNet etc.

• Xestión dos plans de organización docente
• Aplicación e seguimento de recoñecementos docentes
• Procedementos de xubilación e compatibilidades
• Participar da negociación colectiva

• Organización da contratación e da promoción do PDI da universidade, xestionando a publicación, revisión e xestión das prazas de profesorado.
• Procesos de promoción e de planificación derivados do mantemento de listaxes de persoas acreditadas.