Feiras de orientación universitaria

Imaxe do Pont-Up Store 2019

A Universidade de Vigo quere estar presente nos principais eventos relacionados coa educación, a formación e o emprego. Por este motivo, a nosa institución asistirá ao longo do curso 2020/2021 a diferentes feiras e salóns educativos. 

Se queres que participemos nas xornadas de orientación universitaria organizadas polo teu centro podes poñerte en contacto connosco.  


I Feira de estudos en España para Portugal

A Universidade de Vigo participa na I Feira virtual Estudar en España en Portugal (I Feria EeE Portugal) organizada polo SEPIE (Servizo Español para a Internacionalización da Educación) a través da súa Unidade de Internacionalización da Educación Superior Española.

O obxectivo deste evento é dar a coñecer a nosa oferta formativa de grao e de posgrado ao futuro alumnado de Portugal que desexe cursar estudos na nosa institución.

Inscrición


UNIferia Graos

Entre o 22 e o 24 de febreiro de 2021, a Universidade de Vigo participou na terceira edición de UNIferia Graos, a feira virtual de estudos de grao das universidades españolas.

Nesta feira cada universidade conta cunha caseta virtual que se pode visitar e onde se informa sobre a oferta de estudos, as notas de corte, os prezos, as opcións de aloxamento e moito máis.

O estudantado tamén ten a oportunidade de consultar as súas dúbidas co persoal dos servizos de información e de orientación a través do chat.

Información
 

 

Máis información:

Sección de Información a Estudantes
Edificio Miralles
As Lagoas, Marcosende
+34 986 813 630 | 986 813 755
sie@uvigo.gal