Portas abertas en Pontevedra

Curso 2024/2025

Esta actividade está dirixida a centros educativos de Galicia con alumnado de bacharelato e ciclos superiores de FP que desexen coñecer en primeira persoa a oferta académica e as infraestruturas da Universidade de Vigo, en particular do campus de Pontevedra.

Nesta xornada, programada para o 24 de abril de 2025, será posible visitar as facultades e as escolas de acordo cos itinerarios por ámbito de interese, tal e como se indica no programa do evento.

Esperamos que, despois de visitarnos e coñecer máis de preto a Universidade de Vigo e o seu campus de Pontevedra, sexa un pouco máis doado tomar unha decisión tan importante como é a de elixir unha universidade e unha titulación para desenvolver capacidades e habilidades e sobre todo, permita medrar como persoa.

Trátase dunha actividade aberta a todos os centros educativos interesados, mais a Vicerreitoría de Estudantado e Empregabilidade promove esta actividade mediante o pago dos 10 primeiros buses (completos) que inscriban os centros educativos a través do formulario creado para tal fin.

Requisitos para recibir a axuda do desprazamento

1. Os centros educativos deberán estar situados a unha distancia igual ou superior aos 30 km de distancia do campus de Pontevedra.
2. O alumnado deberá estar cursando, exclusivamente, estudos de bacharelato ou ciclos superiores de FP.
3. Os grupos de alumnado deberán ser de, polo menos, 50 persoas (bus completo).
4. A concesión da axuda para os 10 buses será por orde de inscrición.
5. Só se pagará un bus por centro educativo.

Programa

Máis información e inscrición

O prazo de inscrición permanecerá aberto ata o 7 de abril.

• Folleto interactivo
• Formulario de inscrición