Ao chegares
Trámites de estranxeiría
Os trámites obrigatorios para persoas estranxeiras á súa chegada varían en función da nacionalidade e da duración da estadía. Contacta coa Euraxess Welcome Office (información de contacto na sección Euraxess Welcome Office) para que che poidamos ofrecer asesoramento personalizado.
Se es cidadán o cidadá dun Estado membro da UE, do EEE ou de Suíza
Estadía inferior a 3 meses:
Para estadías curtas de ata 3 meses, non é necesario realizar ningún rexistro na Comisaría de Policía Nacional; só tes que dispoñer dun documento de identidade ou pasaporte válido. Se viaxas coa túa familia, eles tampouco deberán rexistrarse, pero deberás achegar documentación que acredite o vínculo familiar (certificado de matrimonio, certificado de nacemento, etc.).
Residencia superior a 3 meses:
Se vas residir en España durante máis de 3 meses, debes obter o certificado de rexistro de cidadán da UE (CUE), que inclúe o número de identificación de estranxeiro (NIE). Para iso, debes rexistrarte na Comisaría de Policía Nacional da cidade onde vaia ser a túa residencia nun prazo de 90 días desde a túa chegada.
Se vés coa túa familia, eles tamén deben solicitar a tarxeta de residencia de familiar de cidadán da UE na Comisaría da Policía Nacional.
Procedemento
Debes inscribirte presencialmente na Comisaría da Policía Nacional da cidade na que vaias residir, dentro dos 90 días seguintes á túa chegada. Para iso, debes solicitar unha cita previa. Ten en conta que pode tardar máis dun mes en conseguir cita, dependendo do municipio.
Podes solicitar unha cita nesta ligazón.
Comisaría de Policía Nacional de Vigo: Álvaro Cunqueiro, 6, 36211 Vigo
Comisaría de Policía Nacional de Ourense: Mestre Vide, 4, 32004 Ourense
Comisaría de Policía Nacional de Pontevedra: Joaquín Costa, 17, 36001 Pontevedra
Documentación que se debe presentar:
- Formulario de solicitude debidamente cuberto e asinado
- Xustificante do pagamento da taxa
- Orixinal e copia do pasaporte ou documento de identidade
- Xustificante de emprego ou de medios económicos suficientes
- Seguro médico
- Certificado de empadroamento (máis información na sección Rexistro na cidade)
Podes consultar toda a información na seguinte ligazón.
Recoméndase notificarlle á Comisaría de Policía Nacional a túa saída.
Se non es cidadán o cidadá dun estado membro da UE, do EEE ou de Suíza
Se vas realizar transaccións de natureza fiscal ou con implicacións fiscais (independentemente da duración da túa estadía en España) e non tes número de identidade de estranxeiro (NIE), debes solicitalo na Comisaría Nacional de Policía da cidade na que vas residir.
Se obtiveches un visado ou autorización para permanecer en España por un período superior a 6 meses, debes obter a tarxeta de identidade de estranxeiro (TIE), solicitándoa no prazo dun mes (30 días) desde a túa entrada no país. A solicitude da TIE debe realizarse presencialmente na Comisaría Nacional de Policía da cidade na que vas residir. Se viaxas coa túa familia, eles tamén deberán solicitar presencialmente a TIE no prazo dun mes (30 días) desde a súa entrada no país.
Procedemento
Debes rexistrarte presencialmente na Comisaría Nacional de Policía da cidade na que vas residir no prazo dun mes (30 días) desde a túa chegada. Para iso, debes solicitar cita previa. Ten en conta que, dependendo do municipio, podería tardar máis dun mes en obter a cita.
Podes solicitar unha cita nesta ligazón.
Comisaría de Policía Nacional de Vigo: Álvaro Cunqueiro, 6, 36211 Vigo
Comisaría de Policía Nacional de Ourense: Mestre Vide, 4, 32004 Ourense
Comisaría de Policía Nacional de Pontevedra: Joaquín Costa, 17, 36001 Pontevedra
Documentación que se debe presentar:
- Formulario de solicitude a cumprir e asinar.
- Proba de pagamento da taxa.
- Pasaporte coa estampilla de entrada.
- Fotografía recente, a cor, tamaño pasaporte, con fondo branco.
- Visado ou permiso de residencia.
- Certificado de empadroamento (máis información na sección Rexistro na cidade).
Podes consultar toda a información na seguinte ligazón.
Recoméndase notificarlle á Comisaría de Policía Nacional a túa saída.
A UVigo non se fai responsable de posibles modificacións que poidan producirse na lexislación española tras a publicación desta información. Por iso, recomendamos encarecidamente que comprobes debidamente as túas obrigas na Oficina de Estranxeiría ou Comisaría de Policía Nacional.
Rexistro na cidade
O padrón municipal, ou empadroamento, é o rexistro oficial de residentes dunha cidade e é obrigatorio para as persoas que residen en España. Serve para certificar a residencia e o enderezo das persoas nun determinado lugar e permite o acceso a servizos públicos esenciais (sanidade, educación, transporte público, prestacións sociais e outros servizos como o acceso a bibliotecas públicas, piscinas públicas, etc.), así como a realización de trámites administrativos e legais (apertura dunha conta bancaria, renovación de documentación).
Procedemento
Para empadroarte na cidade, podes facelo de forma presencial solicitando cita no Concello da cidade onde resides. O tempo que tarda en obterse a cita varía segundo a cidade e pode superar un mes no caso de Vigo, polo que recomendamos que solicites a cita con antelación.
Documentación que cómpre presentar:
- Formulario de solicitude cuberto e asinado.
- Documento de identidade, pasaporte ou NIE con fotografía, ou tarxeta de residencia ou TIE (válido e en orixe).
- Contrato de aluguer ao teu nome ou factura de servizos (electricidade, auga, gas, internet, etc.) ao teu nome, ou autorización asinada polo/a propietario/a da vivenda + copia do seu DNI.
- Se vas vivir nunha vivenda con outras persoas empadroadas: autorización escrita dun adulto xa empadroado (propietario/a ou titular do contrato) e sinatura no formulario de empadroamento.
Empadroamento de menores
- Libro de familia ou certificado de nacemento
- Ao empadroar un/a menor só con un dos pais, debe presentarse a autorización do outro/da outra pai/nai para o empadroamento ou, se non, unha declaración xurada asinada pola persoa solicitante de que ten a custodia do/a menor e capacidade legal suficiente para realizar o empadroamento.
Toda a información para empadroarse en Vigo na seguinte ligazón.
Toda a información para empadroarse en Pontevedra na seguinte ligazón.
Toda a información para empadroarse en Ourense na seguinte ligazón.
- Ao saír de España, é recomendable darse de baixa no empadroamento no Concello.
- As persoas de fóra da UE sen autorización de residencia permanente deberán renovar o seu empadroamento cada dous anos.
A UVigo non se fai responsable de posibles modificacións que poidan producirse na lexislación española tras a publicación desta información. Por iso, recomendamos encarecidamente que comprobes debidamente as túas obrigas no Concello.
Conta bancaria
No campus de Vigo, atoparás oficinas de ABANCA e do Banco Santander (Campus As Lagoas, Marcosende, s/n - Loc. B1 - Cidade Universitaria, 36310 Vigo).
Se es cidadán o cidadá dun Estado membro da UE, do EEE ou de Suíza
Se es residente (residencia de máis de 3 meses), podes abrir unha conta bancaria en España presentando o teu documento nacional de identidade ou pasaporte e o teu número de identificación de estranxeiro (NIE). Se es non residente (estancias de menos de 3 meses), ademais do teu documento nacional de identidade ou pasaporte, poderías necesitar un certificado de empadroamento como cidadán/a da UE (CUE) e un número de identificación de estranxeiro (NIE) (máis información nas seccións de Visado e permiso de residencia e de Trámites de estranxeiría). En ambos os casos, e dependendo do banco, tamén poderías necesitar un certificado de empadroamento (máis información na sección de Rexistro na cidade), polo que recomendamos que o comprobes previamente co banco.
Se non es cidadán o cidadá dun Estado membro da UE, do EEE ou de Suíza
Para abrir unha conta bancaria en España cun visado dun país fóra da UE, xeralmente necesitarás o teu pasaporte e o número de identificación de estranxeiro (NIE) (máis información nas seccións de Visado e permiso de residencia e de Trámites de estranxeiría). Algúns bancos poderían solicitar documentación adicional, como un certificado de empadroamento (máis información na sección de Rexistro na cidade), polo que recomendamos que o comprobes previamente co banco.
Obrigas fiscais
Consulta o sitio web da Axencia Tributaria para obter máis información sobre o imposto sobre a renda das persoas físicas e as declaracións de impostos.
Tamén atoparás información sobre obrigas fiscais no sitio web de EURAXESS-España: EURAXESS - Información e asistencia sobre impostos en España
Certificado dixital
Un certificado dixital é un documento electrónico que valida a identidade dunha persoa ou entidade na internet, permitindo transaccións e comunicacións seguras coas administracións públicas e outras organizacións. Funciona como unha sinatura dixital, autenticando a identidade do/a titular e garantindo a confidencialidade da información intercambiada. É moi útil e recomendable obter un, xa que permite realizar diversos trámites e xestións administrativas en liña de forma segura e áxil, evitando desprazamentos e tempos de espera.
Para solicitalo, necesitarás o teu número de identificación de estranxeiro (NIE) (máis información nas seccións de Visado e permiso de residencia e de Trámites de estranxeiría).
Procedemento
Primeiro, debes solicitar o certificado no sitio web da Fábrica Nacional de Moeda e Timbre (FNMT). Xerarase un código de solicitude. Despois, deberás acudir presencialmente coa túa documentación e ese código a unha oficina de acreditación. Atopa a túa oficina de acreditación na seguinte ligazón.
Ademais das oficinas anteriores, as seguintes oficinas de rexistro da UVigo tamén son oficinas de acreditación (recoméndase solicitar unha cita previa por teléfono ou correo electrónico):
Campus de Vigo
Edificio Exeria
As Lagoas, Marcosende
36310 Vigo
+34 986 813 902
rexistroxeral@uvigo.gal
Campus de Pontevedra
Escola de Enxeñaría Forestal
A Xunqueira
36005 Pontevedra
+34 986 801 955
necopo01@uvigo.gal
Campus de Ourense
Edificio Administrativo
As Lagoas
32004 Ourense
+34 988 387 102
rex-our@uvigo.gal
Unha vez na oficina de rexistro, deberás proceder a identificarte ante o axente da autoridade, funcionario ou outro empregado público, proporcionando a documentación requerida:
a) Persoas cidadás de fóra da UE: Documento de Identidade de Estranxeiro (onde se recolle o NIE), xunto co pasaporte ou documento de identidade do teu país de orixe. Cidadáns da UE: Certificado de Rexistro de Cidadáns da UE (CUE) (onde se recolle o NIE), xunto co pasaporte ou documento de identidade do teu país de orixe.
b) Código de solicitude
c) Cumprimento e asinatura dunha “Declaración de Intención”
Tras verificar a túa identidade, recibirás un correo electrónico para descargar o certificado dixital desde o mesmo ordenador desde o que realizaches a solicitude.
Máis información sobre o certificado dixital: FNMT - FNMT - Certificado digital
Cursos de lingua
A UVigo ofrece cursos de español presenciais, mixtos e en liña (dende nivel inicial ata avanzado) a través do Centro de Linguas a prezos reducidos. Consulta o sitio web do Centro de Linguas para máis información.
Tamén se ofrecen cursos introdutorios gratuítos de galego a través da Área de Normalización Lingüística.
Consulta o sitio web da Área de Normalización Lingüística para máis información.
No Centro de Linguas tamén se imparten outros idiomas como inglés, francés, alemán, chinés, italiano, persa e xaponés.
Aloxamento
A Euraxess Welcome Office asesorarache para atopar un aloxamento que se adapte ás túas necesidades. Recomendamos que contactes coa Euraxess Welcome Office (información de contacto no apartado Euraxess Welcome Office) o antes posible.
Se pensas vir coa túa familia, comeza a buscar aloxamento canto antes. A asignación de prazas en escolas ou gardarías adoita depender da localización do teu domicilio.
Para estadías curtas
A UVigo dispón de residencias propias ou acordos con residencias que ofrecen todos os servizos que necesitas para desenvolver a túa carreira académica e profesional. Aquí atoparás a lista de residencias en Vigo, Pontevedra e Ourense, así como a listaxe de hoteis que teñen convenios con UVigo.
Para estadías longas
Se vas permanecer durante varios meses ou todo o curso académico, podes considerar alugar un piso ou habitación no mercado privado.
O mercado inmobiliario na provincia de Pontevedra experimentou un aumento nos prezos do aloxamento nos últimos anos, con oferta limitada nalgunhas zonas e niveis variados de accesibilidade económica. O aluguer medio en Vigo dun piso de dous dormitorios é de arredor de 1000 € ao mes. Zonas como o centro de Vigo adoitan ter prezos máis altos que outras áreas máis afastadas. Nas cidades de Pontevedra e Ourense, o aluguer medio dun piso de dous dormitorios é de arredor de 750 € ao mes.
Para buscar aloxamento, podes contactar cunha inmobiliaria. Estas axencias poden axudarche a buscar pisos, casas ou habitacións que se adapten ás túas necesidades e orzamento, cobrando unha comisión normalmente equivalente a un mes de aluguer. Podes poñerte en contacto directamente con elas por teléfono ou correo electrónico, ou visitar as súas oficinas en persoa. Moitas tamén anuncian propiedades dispoñibles nas súas páxinas web e en plataformas de aloxamento. As principais plataformas de aloxamento son IDEALISTA, FOTOCASA e HABITACLIA.
Familia
Se te mudas coa túa familia, recomendámosche que contactes coa Euraxess Welcome Office o antes posible (información de contacto no apartado Euraxess Welcome Office) para que poidamos ofrecerche un asesoramento personalizado.
Para xestionar a escolarización das túas crianzas, deberás acreditar legalmente que es nai, pai ou persoa titor legal. Por iso, é importante que obteñas documentos oficiais como certificados de nacemento ou libros de familia (ou equivalentes) no teu país de orixe antes de viaxar.
A asignación de prazas en escolas ou gardarías adoita depender da localización do teu domicilio, polo que é importante empadroarse na cidade canto antes (máis información no apartado Rexistro na cidade).
En xeral, o período para presentar solicitudes de admisión en centros públicos e privados concertados ten lugar entre marzo e abril, antes do comezo do novo curso escolar. En Galicia, o ano académico adoita iniciarse a comezos de setembro e rematar a finais de xuño. Na provincia de Pontevedra, os trámites relacionados coa escolarización oficial son xestionados pola Xefatura Territorial de Educación de Pontevedra, que se encarga de coordinar todo o proceso administrativo. Recoméndase consultar a páxina web da Consellería de Educación, Xunta de Galicia para obter información detallada e actualizada sobre o proceso e os prazos específicos de cada etapa educativa.
Máis información sobre os procedementos de matrícula escolar.