Xoves para xoves

A Universidade de Vigo, o Consello Social da Universidade de Vigo e a ONG Helsinki España-University Network organizan, por primeira vez en Vigo, un curso para converterse en persoas formadoras voluntarias en dereitos humanos e obxectivos de desenvolvemento sostible (ODS) para o proxecto Xoves para xoves.

• Lugar: sala I do Edificio Miralles, campus universitario, 36310 Vigo
• Datas: do 10 ao 14 de decembro de 2018
• Horario: de 15.00 a 20.00 h
• Persoas destinatarias: estudantes menores de 30 anos matriculados en calquera titulación da Universidade de Vigo (50 prazas)

Despois desta preparación, os voluntarios e voluntarias impartirán, en parellas, catro sesións de formación en dereitos humanos e ODS nun centro escolar da provincia de Pontevedra, en horario lectivo, durante o primeiro cuadrimestre do ano 2019.

A asistencia recoñecerase academicamente con 23 horas ECTS
 

Xoves para xoves é un proxecto de voluntariado universitario para promover a educación dos dereitos humanos e os ODS en centros escolares.
 

Obxectivo xeral

Contribuír ao desenvolvemento dunha cultura universal dos dereitos humanos na que a mocidade coñeza os seus propios dereitos e as súas obrigas;como membros responsables dunha sociedade libre e pacífica, pluralista e inclusiva.

Obxectivos específicos 

1. Mellorar o coñecemento e as ferramentas dos mozos e mozas universitarios para que se convertan en promotores activos da defensa e o respecto dos dereitos humanos.

2. Espertar o interese dos nenos e nenas en idade escolar cara a valores como a tolerancia, o respecto, a non discriminación e a igualdade que derive en cambios reais de valores e actitudes.

3. Fomentar o voluntariado como ferramenta de participación xuvenil e mecanismo para a promoción, protección e realización dos dereitos humanos.
 

Inscrición

Podes inscribirte aquí ata o 7 de decembro

Programa

Luns, 10 de decembro

Martes, 11 de decembro

 Mércores, 12 de decembro

 Xoves, 13 de decembro