O Teatro Principal acolle o Concerto de Primavera do campus de Pontevedra, que a Vicerreitoría promove coa colaboración do Concello. Baixo o título de Sinerxías, trátase dunha actuación protagonizada pola Orquestra Xove de Pontevedra, que actuará conxuntamente coa Aula Permanente de Música Tradicional do campus en varias das pezas. Así mesmo, o concerto contará tamén coa participación de varios alumnos e alumnas da aula de baile tradicional do campus.

A actuación conta con entrada gratuíta con invitación. Estas poden recollerse desde o venres 15 nas conserxerías das diferentes facultades e escolas, así como na Casa das Campás.