Con motivo da conmemoración, este xoves, do Día Internacional da Poesía, a Facultade de Ciencias da Educación e do Deporte acolle o evento A poesía dá a nota, no que unha decena de docentes, persoal e estudantes do centro e alumnado do Programa Universitario de Maiores (PUM) recitarán unha serie de poemas de diferentes autores e autoras. Organizado pola Comisión PEA-Unesco da facultade e o grupo de innovación docente MeReLing e aberto ao público, o acto contará tamén coa música de Marco Lucato, exprofesor da facultade.