Gastronomía galega

A cociña galega caracterízase pola súa abundancia e por utilizar produtos naturais de gran calidade. As rías galegas ofrecen unha gran variedade de peixes, que se preparan cocidos, á prancha ou á grella, e mariscos como ostras, percebes, centolas ou nécoras que atraen a tantos turistas a Galicia. A salsa máis utilizada é a allada (allo, aceite e pimentón).

Os viños brancos do país, albariño, condado, rosal, ou os viños da casa son os máis indicados para acompañar os peixes e carnes galegas. Entre estas, solicite a terneira galega con denominación de orixe.

Entre as especialidades galegas destacan:

  • As empanadas ou empanadillas (de carne, bacallau con pasas, bonito, chocos, zamburiñas etc.). Fina masa similar ao do pan, aínda que tamén de millo, rechea dun preparado de peixe, marisco ou carne.
  • O cocido galego (Galician stew): variedade de carnes de porco, terneira e ave.
  • O caldo galego (Galician broth): grelos, patacas, carne e unto.
  • O lacón con grelos (boiled ham and cabbage).
  • A caldeirada de peixe: guiso de patacas con peixe (rape, raia etc.).
  • O salpicón: peixe ou marisco cocido, presentado en frío e con salsa vinagreta.
  • Os pementos de Padrón.

Queixos e sobremesas caseiros ocupan as mesas ao final das comidas. O queixo de tetilla acompañado de membrillo, a torta de Santiago (de améndoas), as filloas (variedade autóctona de crepes) con mel, crema ou nata, as canas (recheas de crema ou nata, cubertas con azucre e canela), roscóns e rosquillas, leite frito ou arroz con leite. E co doce un licor como a augardente ou a tradicional queimada.

O noso marisco ou peixe: our seafood and fish
Centola: spider crab
Mexillón: mussel
Nécora: velvet swimming crab
Percebe: barnacle
Boi de mar: king crab
Rodaballo: turbot
Ostra: oyster
Linguado: sole
Ameixa: clam
Cherna: grouper
Vieira: scallop
Salmonete: red mullet
Berberecho: cockle
Luras: squid
Cigala: norway lobster
Robaliza: seabass
Langostino: white shrimp
Pescada: hake
Lubrigante: European lobster
Peixe sapo: monkfish
Gamba: shrimp
Polvo: octopus
Camarón: prawn
 

“Ir de tapas” é un costume tan implantado en Galicia como noutras cidades españolas. Tapear é adentrarse en bares e pequenos restaurantes, un tras outro, probando a especialidade da casa e unha taza ou copa de viño. En ocasións, o tapeo prolóngase tanto que chega a substituír unha comida ou cea.

Reitoría | Campus Universitario | C.P. 36.310 Vigo (Pontevedra) | España | Tlf: +34 986 812 000 | informacion@uvigo.es            Accesibilidade | Mapa web | Aviso Legal