Desde A Guarda ata Ayamonte, en Huelva, existen preto de 1300 quilómetros de fronteira repletos de recursos turísticos vinculados á natureza, á etnografía e á historia que apenas foron explotados ata o de agora, "a pesares de que en Europa non hai outra fronteira con esa diversidade e ese potencial", sinala Xulio Pardellas, profesor da Facultade de Ciencias Sociais e da Comunicación. Este docente é un dos coordinadores do proxecto Turismo de fronteira como motor de desenvolvemento, que as universidades de Vigo e Estremadura desenvolven xunto con investigadores de Salamanca e Huelva. Un proxecto que busca pór de relevo a ausencia “dunha oferta turística estruturada” na raia que separa España e Portugal e promover itinerarios de "turismo de fronteira", que permitan poñer en valor unha serie de zonas, "maioritariamente rurais e moi necesitadas de desenvolvemento”.
20/05/2014