Novas do DUVI

A necesidade de situar os dereitos sociais “no centro” das políticas europeas centra un seminario internacional

• Entidades Colaboradoras
• Estudantes
• Medios
• PAS

Procedentes de15 universidades de seis países, unha vintena de especialistas en Dereito do Traballo reúnense nas xornadas de xoves e venres na Vicerreitoría do campus de Pontevedra para debater sobre os dereitos sociais no ámbito laboral e o papel que deben xogar na Unión Europea do século XXI.

12/06/2025

Un modelo matemático predí o futuro das linguas que coexisten

• Entidades Colaboradoras
• Estudantes
• Medios
• PAS

En moitas rexións do mundo coexisten distintas linguas e moitas veces unha delas evoluciona aumentando o seu uso a costa doutra ou doutras. Co obxectivo de contribuír a ter ferramentas científicas para abordar un tema desta complexidade, os investigadores das universidade de Vigo e La Rioja Iván Area e Marc Jornet veñen de desenvolver un modelo matemático que permite predicir a evolución de cada un dos idiomas nun sistema multilingüístico complexo. 

12/06/2025

Especialistas dunha trintena de países debaten na UVigo sobre os avances en xeotecnoloxía ambiental e enxeñaría sostible

• Entidades Colaboradoras
• Estudantes
• Medios
• PAS

Durante tres días, Vigo convértese no epicetro mundial da xeotecnoloxía ambiental e a enxeñaría sostible. A Escola de Enxeñería Industrial acolle esta semana a celebración da sexta edición do Congreso Internacional EGRWSE-2025, que reúne máis de 200 especialistas procedentes de 31 países dos cinco continentes.

12/06/2025

O foro Ágora Termal arranca a súa actividade cunha xornada técnica sobre xestión sostible do recurso termal

• Entidades Colaboradoras
• Estudantes
• Medios
• PAS

A Facultade de Ciencias do campus de Ourense acolleu este xoves a celebración dunha Xornada técnica sobre xestión sostible do recurso termal, organizada polo foro Ágora Termal. Nela abordouse a lexislación sobre perímetros de protección aplicables en Galicia e a súa visión desde a óptica xurídica, da industrial termal e da administración pública. 

12/06/2025

O Colexio e a Asociación de Enxeñeiros de Telecomunicación de Galicia premian a 'The Mind Guardian' polos seus beneficios para a saúde

• Entidades Colaboradoras
• Medios
• PDI
• Público externo

The Mind Guardian, a aplicación gamificada baseada en intelixencia artificial desenvolvida por investigadores de atlanTTic en colaboración con Samsung España, que presenta unha proba de autoavaliación de memoria para o cribado a grande escala de signos de deterioro cognitivo, recibirá o Premio Amtega ao mellor proxecto TIC con beneficios sociais.

12/06/2025

Un simposio reúne en Vigo os maiores especialistas en comercio de cerámicas dos séculos IV a VII na costa atlántica

• Entidades Colaboradoras
• Estudantes
• Medios
• PAS

Os maiores especialistas no comercio de cerámicas da Antigüidade Tardía ao longo de toda a costa atlántica participan esta semana en Vigo nun simposio organizado polo grupo de Estudos de Arqueoloxía, Antigüidade e Territorio da Universidade de Vigo. A cita arrancou no serán deste mércores  no edifico Redeiras.

12/06/2025

Unha publicación analiza o papel do traballo social ante a conduta suicida

• Entidades Colaboradoras
• Estudantes
• Medios
• PAS

El trabajo social ante la conducta suicida é o título dunha nova publicación realizada desde a Facultade de Educación e Traballo Social do campus de Ourense. Nela, Paula Frieiro e Rubén González reivindican e analizan o papel estratéxico que as e os traballadores sociais poden e deben ocupar na intervención con persoas en risco de conduta suicida e as súas contornas.

11/06/2025

Especialistas de catro países avalían no campus como mellorar a cobertura xornalística das catástrofes

• Entidades Colaboradoras
• Estudantes
• Medios
• PAS

O campus de Pontevedra acolle este mércores e xoves as e os participantes no proxecto europeo 'New (s) Disaster', que ten como obxectivo mellorar a cobertura xornalística de catástrofes como terremotos, incendios ou inundacións, a través da creación dunha serie de recursos formativos dirixidos a profesionais.

11/06/2025

Nace SecrioNet: a primeira rede española para impulsar a investigación en criobioloxía

• Entidades Colaboradoras
• Estudantes
• Medios
• PAS

A Universidade de Vigo, a través do Centro de Investigación Mariña (CIM), lidera SecrioNet, unha innovadora rede científica nacional para o desenvolvemento e a colaboración en criobioloxía, recentemente financiada pola convocatoria 2024 do programa Redes da Axencia Estatal de Investigación. 

11/06/2025

O proxecto CoBlue aposta pola participación cidadá para analizar o desenvolvemento da eólica mariña en Galicia

• Estudantes
• PAS
• PDI
• Vigo

A Investigación e Innovación Responsable e Aberta (ORRI, polas súas siglas en inglés) busca involucrar a cidadanía nos procesos de I+D dende o inicio para garantir que os resultados estean aliñados coas necesidades e valores da sociedade. Con esta filosofía por bandeira, o edificio Redeiras acolle un foro comunitario centrado no desenvolvemento da eólica mariña que se encadra no marco do proxecto CoBlue.

11/06/2025

A UVigo lanza unha nova convocatoria para poñer en marcha proxectos de aprendizaxe-servizo sobre a Axenda 2030

• PDI
• Ourense
• Pontevedra
• Vigo

Xa está aberta a convocatoria de axudas para poñer en marcha o vindeiro curso proxectos de aprendizaxe-servizo sobre a Axenda 2030. O prazo de solicitude está aberto ata o 23 deste mes de xullo.

11/06/2025

O proxecto estatal Airis afonda na dixitalización do mantemento das vías de ferrocarril de alta velocidade

• Entidades Colaboradoras
• Estudantes
• Medios
• PAS

O grupo de Sistemas Aeroespaciais e de Transporte (Aerolab) da Universidade de Vigo e a empresa Copasa están a levar a cabo o proxecto estatal Airis. Nel traballan no desenvolvemento de sistemas para a dixitalización da información do mantemento das vías de ferrocarril de alta velocidade. No marco da súa actividade, este martes o campus acolleu a celebración dunha mesa redonda sobre presente e futuro da dixitalización no mantemento ferroviario.  

10/06/2025

A EE Forestal dótase dunha innovadora ‘aula de prácticas’ nos montes de Paredes de Coura

• Entidades Colaboradoras
• Estudantes
• Medios
• PAS

Un marteloscopio é unha área de bosque na que todas as árbores foron xeorreferenciadas, catalogadas e numeradas, o que fai posible desenvolver nela diferentes actividades formativas. No marco dun proxecto de innovación docente, a Escola de Enxeñaría Forestal impulsou a creación dunha infraestrutura deste tipo en Paredes de Coura.

10/06/2025

A UVigo logra máis de 200.000 euros para impulsar sete proxectos de divulgación científica

• Entidades Colaboradoras
• Estudantes
• Medios
• PAS

A Universidade de Vigo acaba de conseguir algo máis de 200.000 euros -204.300- de financiamento na convocatoria 2024 da Fundación Española para la Ciencia y la Tecnología (FECYT), destinada a promover entre a cidadanía a cultura científica. Estes fondos permitirán desenvolver sete iniciativas, algunhas xa clásicas e outras novas.

10/06/2025

Xunta e universidades crean un grupo de traballo para actualizar o acordo de 2015 sobre o Grao en Medicina 

• Entidades Colaboradoras
• Estudantes
• Medios
• PAS

Crear un grupo de traballo para actualizar e potenciar o acordo de 2015 sobre o Grao de Medicina é o acordo ao que este mediodía chegou a Xunta cos reitores da universidades de Vigo, Santiago e A Coruña no Consello de Docencia Clínica celebrado na Cidade de Cultura.

10/06/2025