O luns 25 de marzo, entre as 8:30h e as 10:00h, non funcionará o portal institucional. A parada é necesaria para realizar unha actualización da parte informática da web. Solicitamos desculpas polas molestias ocasionadas e agradecemos a comprensión.
A Universidade de Vigo conta, neste curso 2018-2019, con 1348 alumnas e alumnos matriculados en estudos de doutoramento, 218 dos cales están en programas do campus de Ourense, 219 en programas do campus de Pontevedra e 911 nos de Vigo. Para todos eles, a institución organizou este venres un acto de benvida.
Prostitución, pornografía e micromachismos son tres expresións dunha mesma realidade: a violencia sexual contra as mulleres, un feito que a xustiza, os medios de comunicación e as redes sociais, mesmo poden contribuír a fomentar, en lugar de poñerlle fin e denuncialo.
A actividade de divulgación lectora reseñas6, organizada pola biblioteca de Torrecedeira céntrase este mes no texto Debatiendo con Piketty, unha interpretación feminista do capitalismo patrimonial, da economista estadounidense Heather Boushey.
Un dispositivo capaz de capturar e almacenar CO2 facendo fronte ás dúas principais complicacións que trae consigo esta tecnoloxía: o elevado consumo de enerxía que conlevan e o gran volume de substancias ambientalmente perigosas que producen. Este é o principal resultado do proxecto BIGs (Biosphere Industrial Green Solutions).
213 persoas integran a día de hoxe o Centro de Investigacións Biomédicas, Cinbio, un centro singular de investigación, que botou a andar no ano 2009 e que hoxe, unha década despois da súa creación, reuniu ao seu persoal no seu primeiro encontro anual.
A Escola de Enxeñaría de Minas e Enerxía leva anos participando no Cartel de Minas, unha competición deportiva na que se miden centros de toda Europa. Tras a súa experiencia nesta cita internacional decidiron poñer en marcha un evento similar de carácter nacional, que a partir de hoxe xoves celebra a súa primeira edición.
Durante case cinco horas prolongouse a sesión ordinaria de Consello de goberno que este mércores aprobou por 24 votos a favor, sete en contra e oito abstencións o Plan de promoción a profesora ou profesor titular e catedrática ou catedrático.
Rebelde e irreverente. Así era Pippi Långstrump, personaxe literaria creada pola escritora sueca Astrid Lindgren en 1945, a inesquecible nena de pencas na cara e trenzas laranxas coa que rapazas e rapaces de todo o mundo viviron aventuras ata convertela en toda unha icona contemporánea.
A Escola de Enxeñaría de Telecomunicación leva meses acollendo xornadas e seminarios que permitan ao alumnado actualizar os seus coñecementos sobre a tecnoloxía 5G, chamada a revolucionar a conexión sen fíos. A última delas tivo lugar este xoves da man da empresa Rohde & Schwarz.
Construída toda en madeira e pedra do país, a nova sede institucional e de I+D da Universidade de Vigo no Berbés, aínda en construción, converteuse este luns no escenario elixido para asinar un convenio de colaboración no que a Universidade se compromete na promoción do uso da madeira e da pedra do país nas novas infraestruturas.
Un xeito diferente de percibir a enxeñaría e as súas aplicacións e, ao tempo, unha alternativa á celebración do patrón da Escola de Enxeñaría Industrial que, nos últimos anos, se tiña convertido non multitudinario botellón. Estes son os dous piares fundamentais da I Revolución Industrial’Es, unha proposta da Delegación de Alumnos da EEI coa que queren recuperar a festividade do seu patrón.
A Escola de Enxeñaría de Minas e Enerxía xunto coa Delegación do Alumnado puxeron en marcha o concurso Eme_Pakuxa que terá lugar os días 3 e 4 de abril no vestíbulo do centro. Trátase dun certame de improvisación oral que pretende contribuír a mellorar a técnica das exposicións orais da comunidade universitaria así como divertir ás e aos asistentes a través de exposicións breves de seis minutos e 40 segundos.
A directora xeral de Investigación, Desarrollo e Innovación do Ministerio de Ciencia, Innovación y Universidades, Teresa Riesgo, defendeu este venres en Vigo a necesidade de potenciar o papel das Oficinas de Transferencia de Resultados, OTRIs.
Seleccionado na convocatoria de 2015 de Conecta Peme, o proxecto Candela arrancou en febreiro de 2016 como unha iniciativa innovadora para deseñar un sistema de xestión intelixente do alumeado público para as cidades.
