Novas do DUVI

O proxecto Free-Flow busca persoas voluntarias para avaliar a conectividade dos ríos galegos

• Entidades Colaboradoras
• Estudantes
• Medios
• PAS

O proxecto Free-Flow busca persoas voluntarias para avaliar a conectividade dos ríos galegos. Esta iniciativa, financiada polo programa ATRAE, está desenvolvida por persoal investigador do CIM-UVigo e liderado polo profesor Carlos García de Leaniz. As e os voluntarios percorrerán os ríos Verdugo-Oitavén, Lérez, Mandeo e Masma para identificar barreiras fluviais e promover a conservación dos ecosistemas acuáticos.

12/05/2025

Ideas frescas e propostas renovadas para os cursos de verán

• Entidades Colaboradoras
• Estudantes
• Medios
• PAS

A programación dos cursos de verán de Extensión Universitaria chega este curso con ideas frescas e propostas renovadas. En total, o catálogo comprende sete  obradoiros, tres dos cales se imparten por primeira vez: Iniciación á arte 3D, Git e GitHub: Control de versións e colaboración en desenvolvemento de software e Lendo con mirada feminista.

12/05/2025

Todo listo para unha nova edición do Seminario de Loxística na Escola de Enxeñería Industrial

• Entidades Colaboradoras
• Estudantes
• Medios
• PAS

Xa está todo listo na Escola de Enxeñería Industrial para a celebración o vindeiro mércores 21 de maio dunha nova edición do Seminario de Loxística, un evento profesional que cada mes de maio reúne neste centro a un importante número de profesionais relacionados con este sector. 

12/05/2025

Investigadores do Cintecx desenvolven un innovador sistema para recolectar a auga do resío e loitar contra a seca

• Entidades Colaboradoras
• Estudantes
• Medios
• PAS

Garantir o acceso universal e equitativo á auga é un dos principais retos aos que se enfronta a humanidade, sobre todo cando 4000 millóns de persoas sofren na actualidade escaseza, unha tendencia que ademais está en crecemento. Unha solución para facer fronte á seca podería estar no aire que respiramos, segundo os investigadores do grupo LaserON, que forma parte do centro Cintecx da UVigo.

09/05/2025

Visita ao campus do presidente do Tribunal de Marcas da Unión Europea

• Entidades Colaboradoras
• Estudantes
• Medios
• PAS

O presidente do Tribunal de Marcas e Deseño da Unión Europea, Enrique García-Chamón Cervera, visitou este venres o campus de Vigo para participar na IV edición do seminario José Antonio Gómez Segade sobre Dereito da Competencia e da Propiedade Industrial, unha cita coorganizada polas tres universidades públicas galegas.

09/05/2025

Xa está en marcha o horario especial de apertura das bibliotecas

• Estudantes
• PAS
• PDI
• Ourense

Co obxectivo de facilitarlle ao estudantado a preparación dos exames do segundo cuadrimestre e tamén das probas de avaliación da segunda convocatoria, a Universidade de Vigo xa puxo en marcha o calendario de aperturas especiais das bibliotecas centrais dos campus de Ourense, Pontevedra e Vigo e da biblioteca de Torrecedeira. 

09/05/2025

Félix Quintero Martínez, novo vicerreitor de Planificación e Sostibilidade

• Entidades Colaboradoras
• Estudantes
• Medios
• PAS

Félix Quintero Martínez, docente titular do Departamento de Física Aplicada e investigador do grupo LaserON, acaba de ser nomeado polo reitor da UVigo, Manuel Reigosa, vicerreitor de Planificación e Sostibilidade.

08/05/2025

Enxeñaría de Telecomunicación presume nos LPRO Days de 13 proxectos tecnolóxicos 100% desenvoltos polo alumnado

• Entidades Colaboradoras
• Estudantes
• Medios
• PAS

13 proxectos tecnolóxicos desenvoltos por 66 estudantes que están a piques de titularse baixo a atenta mirada dun equipo de 17 docentes. A Escola de Enxeñaría de Telecomunicación saca peito esta semana do talento do seu alumnado nunha nova edición dos LPRO Days. 

08/05/2025

A Facultade de CCXX e do Traballo reivindica o Dereito en lingua galega coa entrega do Premio Xosé Luis Franco

• Entidades Colaboradoras
• Estudantes
• Medios
• PAS

A Facultade de Ciencias Xurídicas e do Traballo deu a coñecer hoxe xoves os nomes das persoas gañadoras do Premio de Investigación Xurídica en Lingua Galega Xosé Luis Franco.

08/05/2025

CINBIO lanza un programa para fomentar a cultura da innovación no ámbito académico e estreitar lazos coa administración pública

• Entidades Colaboradoras
• Medios
• PDI
• Público externo

A elaboración de políticas públicas en materia de emprendemento no ámbito académico é clave para o fomento de empresas de base tecnolóxica que impulsen a innovación e a competitividade a nivel global, asegurando que as tecnoloxías desenvolvidas nos centros de investigación se convertan en produtos que respondan ás necesidades do mercado.

08/05/2025

O UM25 de UVigo Motorsport rodará este verán nos circuítos de Hungría e Croacia

• Entidades Colaboradoras
• Estudantes
• Medios
• PAS

Por primeira vez na súa historia, a escudaría universitaria UVigo Motorsport non competirá este verán en ningún circuíto español. Pola contra, optan por participar en dous dos grandes eventos europeos da competición automobilística universitaria: Formula Student East en Hungría e Formula Student AlpeAdria en Croacia.

07/05/2025

Un “Mar Emerxente” recala desde hoxe na sede institucional da Autoridade Portuaria de Vigo

• Entidades Colaboradoras
• Medios
• PDI
• Público externo

Rastros del Silencio, Fauna, Home á deriva, Interior e Último resquicio son as obras que integran a mostra Mar Emerxente que desde este mércores se pode visitar na entrada do edificio institucional da Autoridade Portuaria de Vigo.

07/05/2025

José María Da Rocha, único candidato a substituír a Consuelo Currás á fronte da Facultade de Comercio

• Entidades Colaboradoras
• Estudantes
• Medios
• PAS

A Facultade de Comercio pechou esta semana o prazo para presentar candidaturas ao decanato despois de que se esgotase o mandato da actual decana, a profesora Consuelo Currás Valle. Só se presentou un candidato, José María Da Rocha Álvarez, catedrático do Departamento de análise económica, historia e institucións económicas.

07/05/2025

A UVigo participa nun traballo pioneiro sobre fisión nuclear publicado en 'Nature'

• Entidades Colaboradoras
• Estudantes
• Medios
• PAS

A revista científica Nature acaba de facer públicos os resultados dun experimento pioneiro levado a cabo no acelerador GSI-FAIR, en Darmstadt (Alemaña), no que un equipo internacional de investigadores e investigadoras, entre eles da UVigo, describe unha nova illa de fisión nuclear asimétrica nun cento de sistemas exóticos (non estables).

06/05/2025

A UVigo acolle unha xuntanza da Universidade Europea Athena

• Estudantes
• PAS
• PDI
• Vigo

Coincidindo coa celebración esta semana na Universidade de Vigo da International Staff Week, que reúne universidades de 17 países, a institución académica olívica organizou tamén unha xuntanza da Universidade Europea Athena.

06/05/2025