O Foro Económico de Galicia, coordinado desde o campus de Ourense polo Grupo Governance and Economics Research Network (Gen), fixo público este martes os datos do seu último Barómetro Exportador de Galicia (Baexga). A análise sectorial feita polos seus expertos sobre as exportacións galegas en novembro de 2020 amosa unha taxa de variación dun -0,4% con respecto ao mesmo mes de 2019. “Estes valores reflicten unha mellor evolución que o conxunto de España, onde as exportacións caen un 1,3%”, indican desde a entidade. Por sectores, apuntan un descenso interanual das exportacións no sector téxtil dun 47,2%.
26/01/2021