Un equipo internacional formado por astrónomos e astrónomas de todo o mundo acaba de dar a coñecer o achado do buraco negro estelar máis masivo descuberto ata agora na Vía Láctea. A súa investigación foi publicada este martes pola revista Astronomy & Astrophysics e está asinada por 300 investigadores, entre eles, a catedrática da UVigo Ana Ulla.
Dos 17 ODS da Axenda 2030 foron os de Acción polo clima (13), Enerxía asequible e non contaminante (7), Produción e consumo responsable (12) e Industria, innovación e infraestruturas (9) nos que maioritariamente puxeron o foco os cinco Traballos Fin de Mestrado gañadores dos Premios Innovación Sostible da Cátedra Telefónica-UVigo 2023.
Investigadores do Grupo de Procesado de Sinal en Comunicacións e do Grupo de Antenas, Radar e Comunicacións Ópticas, ambos de atlanTTic, participaron no deseño dun sistema de antenas máis eficiente para os satélites destinados a comunicacións de alta capacidade.
Medio cento de persoas participaron este xoves pola tarde na Xornada de Portas Abertas da Escola de Enxeñaría de Telecomunicación. Durante o percorrido polo centro tiveron a oportunidade de visitar as súas aulas, laboratorios e demais espazos do centro.
A Rede de Cátedras Telefónica súmase á celebración do centenario da compañía de telecomunicacións a través das xornadas Imaginémonos sin límites, unha iniciativa que está a levar ao cociñeiro Ferran Adrià por diferentes universidades no Estado. O vindeiro día 22 de abril o chef visitará o campus de Vigo,
As alumnas da Facultade de Ciencias do Mar Sara Martín Alís e Rita Lorenzo Pérez, participan esta semana en Barcelona nun dos eventos organizados arredor da Conferencia da Década dos Océanos, organizada pola Unesco e na que participan arredor de 1500 persoas expertas.
Arranca en Vigo Biointegrasaúde 2024, encontro anual no que os tres institutos de investigación biomédicos galegos (Instituto de Investigación Sanitaria de Santiago de Compostela, Instituto de Investigación Biomédica da Coruña e o Instituto de Investigación Sanitaria Galicia Sur) fan unha posta en común da súa actividade científica.
O Centro de Investigación en Nanomaterias e Biomedicina, CINBIO, da Universidade de Vigo é unha das nove entidades seleccionadas para participar no consorcio europeo Adaptation, financiado con 3,6 millóns de euros de axudas Pathfinder da Unión Europea.
“Un salto abismal”. Así se refiren as alumnas e alumnos de UVigo Space Lab á súa nova estación terrea, unhas instalacións situadas no edificio Filomena Dato que se converterán no “corazón do procesamento da sinal e futuro centro de control para a misión espacial BIXO”.
Un ano máis, a Universidade de Vigo embárcase en La Aventura del saber. O programa de TVE2, que estreará nova temporada mañá mércores 3 de abril, volverá contar coas universidades españolas na sección Universo Sostible.
Especies de elasmobranquios costeiros como a raia mosaico (Raja undulata) ou o melgacho (Scyliorhinus canicula) centran desde o ano 2019 os estudos de investigadores e investigadoras do IIM-CSIC, d UVigo, do Parque Nacional Marítimo Terrestre das Illas Atlánticas de Galicia e do Cetmar.
Captar talento universitario. Esta é a idea coa que o Clúster da Automoción e Mobilidade de Galicia, Ceaga, presentou este martes na Escola de Enxeñería Industrial Talent Race, un proxecto piloto ideado para atraer talento das universidades e centros de FP ás empresas deste sector.
Despois de 48 horas de intenso traballo, o sábado pola tarde chegaba o momento de que os 11 equipos participantes na fase viguesa do HackForGood 2024 presentaran as súas solucións tecnolóxicas cun fin social. O xurado, tras avaliar os proxectos dos preto de 60 estudantes da UVigo inscritos, decidiu conceder o primeiro premio a BATCH-E.
60 estudantes de diferentes titulacións da Universidade de Vigo responderon á chamada do HackForGood para imaxinar un mundo máis sostible. Dende onte pola tarde e ata mañá sábado dispoñen de 48 horas de traballo para responder a un reto e crear unha solución tecnolóxica cun fin social.
atlanTTic, o Centro de Investigación en Tecnoloxías de Telecomunicación da Universidade de Vigo acolleu este xoves o evento TalentoCibeR e a competición de ciberseguridade CITIC Cyber Competition (C3TF), na que participaron 157 estudantes de toda España repartidos en 40 equipos.