Coñecementos, disponibilidade para desenvolver a actividade fóra do lugar de orixe e capacidade de traballo en equipo, son algúns dos valores máis apreciados polos responsables de recursos humanos e selección de persoal de empresas privadas, entre os universitarios que aspiran a ocupar un posto de traballo.
Directores e decanos de centros, así como persoal de dirección, docente e investigador da Universidade de Vigo, tiveron ocasión de coñecer con motivo da celebración do IV Fórum Interuniversitario Eures Transfronteirizo Galicia- Norte de Portugal, os principais requerimentos de empresas privadas como Unión Fenosa, Gadisa, Caixa Galicia e PricewaterhouseCoopers á hora de incorporar titulados universitarios ás súas plantillas.
25/03/2008