Diario da Universidade de Vigo
47 rapaces de Nigrán abren as visitas de escolares á Ecimat de Toralla
En total achegaranse a estación 350 escolares de primaria e secundaria
O grupo de escolares durante a visita
O traballo no laboratorio espertou o interese dos rapaces
Os estudantes no exterior da Ecimat
Corenta sete rapaces do colexio Ángel de la Guarda de Nigrán visitaron esta mañá a Estación das Ciencias Mariñas de Toralla, Ecimat, dentro do programa de actividades de divulgación da ciencia As cores do mar de Toralla. Recibidos polo director técnico do centro, Enrique Poza, e o responsable da Unidade de Cultura Científica da Universidade, José Jato, os rapaces realizaron unha visita de arredor de tres horas na que puideron coñecer de primeira man o traballo que realizan os investigadores e científicos na Ecimat e achegarse, desde outro punto de vista, a riqueza das rías galegas.
Pese a que a climatoloxía non axudou excesivamente, a visita comezou cun percorrido didáctico polos exteriores da Ecimat, onde catro monitores lles explicaron o hábitat propio das rochas e praias de baixamar e aproveitaron para recoller mostras de diferentes organismos que logo empregarían nos laboratorios.
Unha vez rematado o percorrido exterior os estudantes dividíronse en dous grupos, uns continuaron a mañá no laboratorio e os outros achegáronse ao salón de actos da Ecimat, onde se lles proxectou a peza audivisual “Baixo as ondas das rías”, se ben, posteriormente, houbo cambio de quenda e inverteron as actividades.
No laboratorio os estudantes puideron realizar diferentes experimentos co material recollido no exterior e tamén visitar dúas exposicións, unha sobre o mundo dos acuarios, e outra composta de sete paneis explicativos nos que, baixo o título Cores do mar de Toralla, se lles intenta explicar o impacto da luz solar nos diferentes ecosistemas, sobre todo no medio mariño.
As visitas continuarán nas xornadas martes e mércores. Máñá martes será a quenda dos estudantes do Instituto Politécnico de Vigo. Tras un parón a actividade entre os días 8 e 12 de zuño.
Pese a que a climatoloxía non axudou excesivamente, a visita comezou cun percorrido didáctico polos exteriores da Ecimat, onde catro monitores lles explicaron o hábitat propio das rochas e praias de baixamar e aproveitaron para recoller mostras de diferentes organismos que logo empregarían nos laboratorios.
Unha vez rematado o percorrido exterior os estudantes dividíronse en dous grupos, uns continuaron a mañá no laboratorio e os outros achegáronse ao salón de actos da Ecimat, onde se lles proxectou a peza audivisual “Baixo as ondas das rías”, se ben, posteriormente, houbo cambio de quenda e inverteron as actividades.
No laboratorio os estudantes puideron realizar diferentes experimentos co material recollido no exterior e tamén visitar dúas exposicións, unha sobre o mundo dos acuarios, e outra composta de sete paneis explicativos nos que, baixo o título Cores do mar de Toralla, se lles intenta explicar o impacto da luz solar nos diferentes ecosistemas, sobre todo no medio mariño.
Pendente a visita doutros sete centros
Esta iniciativa, desenvolvida pola Área de Cultura Científica da Universidade, achegará a Toralla 350 estudantes dos últimos cursos de primaria e primeiros de secundaria, “co obxectivo de achegalos ao medio mariño e fomentar o seu interese pola ciencia e o desenvolvemento sostible do medio natural”, segundo explicou o director da estación, Ricardo Beiras.As visitas continuarán nas xornadas martes e mércores. Máñá martes será a quenda dos estudantes do Instituto Politécnico de Vigo. Tras un parón a actividade entre os días 8 e 12 de zuño.