Diario da Universidade de Vigo
O éxito completouse cos bronces de Adrián Pérez e Isabel Pastoriza
Alberto Asensio consigue o ouro no Universitario de Orientación
Alberto Asensio, ouro, e Adrián Pérez, bronce, firmaron unha gran proba do equipo universitario
Isabel Pastoriza, PAS do campus de Vigo, rematou en terceiro lugar
Unha das novidades foi a utilización de pinzas electrónicas para medir os tempos dos participantes
O circuíto, semiurbán, tiña percorrido por estrada pero tamén por zonas de campo
Dous dos tres chanzos do podio en categoría masculina e un en feminina foron a bagaxe da Universidade de Vigo no Campionato Galego Universitario de Orientación celebrado o sábado no campus. Aos bos resultados de Alberto Asensio, estudante do campus de Ourense, que cun tempo de 36.21 minutos acadou o primeiro posto, e o de Adrián Pérez, compañeiro de Asensio, que foi terceiro ao rematar o circuíto en 38.31 minutos, sumouse o bronce de Isabel Pastoriza, PAS de Vigo, que completou o percorrido en 36.28, logrando así a prata para a Universidade na clasificación por equipos.
A proba desenvolveuse sobre un “plano inédito, o que sorprendeu á maioría dos habituais, que destacaron a gran calidade e detalle do mesmo”, segundo explica Jose Luis Armada, coordinador da sección de Orientación do Servizo de Deportes. Cunha alta participación feminina, xa que o 40% dos participantes eran mulleres, e de membros do persoal docente e investigador, así coma do PAS, a proba desenvolveuse nun circuíto que “gustou moito, pois aínda que é semiurbana tivo moitas zonas de verde, de campo”, salientou.
Entre as novidades desta carreira estivo a utilización dunha pinza electrónica que os corredores tiñan que actualizar en cada un dos postos polos que pasaban. Ao chegar a meta descargábase toda a información e obtíñanse os tempos, “os xerais, pero tamén entre marcas, algo que lles gusta moito, porque lles permite mellorar”, afirmaba Armada.
A proba desenvolveuse sobre un “plano inédito, o que sorprendeu á maioría dos habituais, que destacaron a gran calidade e detalle do mesmo”, segundo explica Jose Luis Armada, coordinador da sección de Orientación do Servizo de Deportes. Cunha alta participación feminina, xa que o 40% dos participantes eran mulleres, e de membros do persoal docente e investigador, así coma do PAS, a proba desenvolveuse nun circuíto que “gustou moito, pois aínda que é semiurbana tivo moitas zonas de verde, de campo”, salientou.
Entre as novidades desta carreira estivo a utilización dunha pinza electrónica que os corredores tiñan que actualizar en cada un dos postos polos que pasaban. Ao chegar a meta descargábase toda a información e obtíñanse os tempos, “os xerais, pero tamén entre marcas, algo que lles gusta moito, porque lles permite mellorar”, afirmaba Armada.