Diario da Universidade de Vigo
A exposición pode visitarse nas bibliotecas centrais dos tres campus
As batas de traballo reivindican a modernidade da tradición feminina
Acompañada pola proxección do documental "Bata por fóra (muller por dentro)"
A mostra de batas pódese visitar ata o día 11 nas bibliotecas centrais dos tres campus
A exposición recolle unha escolma de batas de traballo como simbolismo do feminio
Ademais da mostra, proxéctase un documental sobre as batas como representación da muller traballadora
A autora do documental "Bata por fóra (muller por dentro)" estará este martes na Biblioteca Universitaria e na do campus de Pontevedra
Enfundada nun vestido de alta costura, Kathryn Bigelow converteuse esta madrugada na primeira muller galardoada co Oscar ao mellor director tras 82 edicións destes premios cinematográficos. Esta longa espera é un bo exemplo de que queda moito camiño por andar ata acadar a igualdade real, tamén no mundo das celebridades. Pero moito máis preto de nós e lonxe do glamour de Hollywood, as batas e os mandilóns son as indumentarias de traballado de xeracións de mulleres, traballadoras incansables, que aínda agardan o recoñecemento que merece terse ocupado do fogar, dos nenos (sexan fillos ou netos), das eiras e dos animais sen soldo nin vacacións.
Neste Día Internacional da Muller, a Vicerreitoría de Extensión Cultural e Estudantes e a Área de Igualdade embarcáronse nunha iniciativa que ten precisamente as batas como estandarte e símbolo do feminino, do invisible do traballo feminino. A través dunha exposición destas prendas, que se pode visitar simultaneamente na Biblioteca Universitaria do campus de Vigo nas bibliotecas centrais de Ourense e Pontevedra, reivindícase a entrega e o esforzo de avoas, nais e fillas que dedicaron as súas vidas a unhas tarefas que permitiron pasar de xeración en xeración o simbólico do feminino, as tradicións e costumes, e incluso tamén as propias batas.
De flores, de cadros, de diversos debuxos e longos, de inverno ou de verán, estas batas son unha representación do traballo ligado á terra pero sobre todo ligado á vida e á familia.
A peza recolle diálogos entre mulleres sobre o feminino e o feminismo como unha oda, unha homenaxe ás diferentes mulleres e aos diferentes modos de levar as batas, “non había que buscar diferentes tipos de muller, senón que a muller en si, con toda a súa carga do pasado recente, estaba representada nesa prenda”, explica.
Dende o punto de vista visual, musical e sonoro quere ser una oda, un tributo á beleza, valentía, simpatía e capacidade de traballo de nais e avoas, pero Brenlla faino a modo de ensaio, “non é un documental ao uso”. Na cinta, a directora entrevista á artista plástica austríaca Petra Buchegger, que tamén se ten dedicado ás batas de traballo, o que demostra que “son un nexo común entre mulleres de todo o mundo, unha conexión de territorios pero tamén un xeito de ver a naturalidade fronte á artificialidade e superficialidade da moda”. Pero xunto con Petra interveñen outras moitas mulleres, unhas no seu papel real e outras representando diferentes estereotipos femininos e, de feito, explica Brenlla “no vídeo interveñen a miña nai, a miña sobriña, a miña cuñada e moitas das miñas amigas que participan nas performances”.
A súa proposta audiovisual recolle a mesma esencia do exposición das batas, a reivindicación do universo feminino, das traballadoras do campo e do mar, das amas de casa, do rural e do tradicional como universo diferenciador do masculino imperante. E é que, quen non viu á súa nai ou á súa avoa con estas batas? Con 18 minutos de reflexión sobre a modernidade do tradicional, Bata por fóra (muller por dentro) foi premiado como mellor documental no Festival Creativo de Curtas On&Off de Ribadeo, na Mostra de Videocreación do Condado MIVICO08, no Certame de Documental e Vídeo Secuencia Cero de Vigo e obtivo o segundo premio no I Mufest, Cine feito por Mulleres, en Santiago de Compostela.
A partir das 11.00 da mañá Brenlla estará na Biblioteca Central de Pontevedra e ás 13.15 na de Vigo, deixando o mércores para o campus de Ourense ás 12.00 horas, aínda que dende hoxe xa se pode ver a proxección nun reprodutor.
Neste Día Internacional da Muller, a Vicerreitoría de Extensión Cultural e Estudantes e a Área de Igualdade embarcáronse nunha iniciativa que ten precisamente as batas como estandarte e símbolo do feminino, do invisible do traballo feminino. A través dunha exposición destas prendas, que se pode visitar simultaneamente na Biblioteca Universitaria do campus de Vigo nas bibliotecas centrais de Ourense e Pontevedra, reivindícase a entrega e o esforzo de avoas, nais e fillas que dedicaron as súas vidas a unhas tarefas que permitiron pasar de xeración en xeración o simbólico do feminino, as tradicións e costumes, e incluso tamén as propias batas.
De flores, de cadros, de diversos debuxos e longos, de inverno ou de verán, estas batas son unha representación do traballo ligado á terra pero sobre todo ligado á vida e á familia.
O que amosan as batas
A apertura destas mostras na bibliotecas centrais dos tres campos é o prólogo do que este martes encherá de sentimentos e experiencias os mesmos espazos. A realizadora viguesa Claudia Brenlla presentará o seu documental Bata por fóra (muller por dentro) dentro deste programa de actos do Día Internacional da Muller e ofrecerá un relatorio no que explicará aos asistentes a súa obra. A idea deste documental xurdiu “editando outra peza gravada na Illa de Ons, cando me din conta de que todas as mulleres que saían levaban unha destas batas”, explica a realizadora que engade que “facía tempo que tiña ganas de experimentar e realizar un documental libre e ensaístico coa muller como protagonista e a bata achegoume o elemento simbólico para poder facelo”.A peza recolle diálogos entre mulleres sobre o feminino e o feminismo como unha oda, unha homenaxe ás diferentes mulleres e aos diferentes modos de levar as batas, “non había que buscar diferentes tipos de muller, senón que a muller en si, con toda a súa carga do pasado recente, estaba representada nesa prenda”, explica.
Dende o punto de vista visual, musical e sonoro quere ser una oda, un tributo á beleza, valentía, simpatía e capacidade de traballo de nais e avoas, pero Brenlla faino a modo de ensaio, “non é un documental ao uso”. Na cinta, a directora entrevista á artista plástica austríaca Petra Buchegger, que tamén se ten dedicado ás batas de traballo, o que demostra que “son un nexo común entre mulleres de todo o mundo, unha conexión de territorios pero tamén un xeito de ver a naturalidade fronte á artificialidade e superficialidade da moda”. Pero xunto con Petra interveñen outras moitas mulleres, unhas no seu papel real e outras representando diferentes estereotipos femininos e, de feito, explica Brenlla “no vídeo interveñen a miña nai, a miña sobriña, a miña cuñada e moitas das miñas amigas que participan nas performances”.
A súa proposta audiovisual recolle a mesma esencia do exposición das batas, a reivindicación do universo feminino, das traballadoras do campo e do mar, das amas de casa, do rural e do tradicional como universo diferenciador do masculino imperante. E é que, quen non viu á súa nai ou á súa avoa con estas batas? Con 18 minutos de reflexión sobre a modernidade do tradicional, Bata por fóra (muller por dentro) foi premiado como mellor documental no Festival Creativo de Curtas On&Off de Ribadeo, na Mostra de Videocreación do Condado MIVICO08, no Certame de Documental e Vídeo Secuencia Cero de Vigo e obtivo o segundo premio no I Mufest, Cine feito por Mulleres, en Santiago de Compostela.
A partir das 11.00 da mañá Brenlla estará na Biblioteca Central de Pontevedra e ás 13.15 na de Vigo, deixando o mércores para o campus de Ourense ás 12.00 horas, aínda que dende hoxe xa se pode ver a proxección nun reprodutor.