A Conferencia de Reitores del Suroeste de Europa, Crusoe, conta desde hoxe cun novo membro: a Universidad de Cantabria, que se converte no integrante número 23 da rede que agrupa unha vintena de entidades de ensino superior da Península Ibérica. A Universidad de Salamanca acolleu hoxe e onte a celebración do sétimo plenario da Crusoe, no que, ademais de cuestións académicas e institucionais de interese común para os integrantes da rede, abordouse a sinatura e lexitimación das cláusulas transitorias para a adhesión da Universidad de Cantabria, un acordo que foi subscrito polo presidente da Crusoe e reitor da Universidade de Vigo, Salustiano Mato, e o reitor cántabro, Ángel Pazos.
12/12/2017