A cita será nas pistas universitarias o día 22 de xuño
O campus acollerá o Gran Premio de Atletismo das Festas de Ourense
Cunha ampla participación de deportivas das diferentes categorías e modalidades
A cidade de Ourense prepárase para celebrar as súas festas grandes a última semana de xuño e entre a programación deste ano destaca unha cita deportiva que terá como escenario o propio campus. As pistas universitarias acollerán o día 22 de xuño a celebración do primeiro Gran Premio de Atletismo das Festas de Ourense 2013. Durante a mañá e a tarde deportistas de todas as idades competirán nas diferentes modalidades de atletismo, incluíndo ademais de carreiras, lanzamentos de peso e saltos.
A competición está organizada polo Club Deportivo Aurum e pola Delegación Provincial da Federación Galega de Atletismo en Ourense, contando co patrocinio, entre outros, do Concello, do Consello Municipal de Deportes e do Servizo Provincial de Deportes da Xunta e coa colaboración da Vicerreitoría do campus, que cede o uso das pistas universitarias. “Para nós é unha satisfacción que o Gran Premio de Atletismo das Festas de Ourense bote a andar, con vocación de continuidade, no campus de Ourense e que atletas de todas as idades e modalidades poidan empregar as nosas instalacións deportivas”, destaca Rodrigo Alberte Pivida, responsable do Servizo de Deportes do campus.
Os tres mellores en cada proba da mañá recibirán as súas medallas ás 13.30 h. Na xornada da tarde entregarase ás 22.30 h un trofeo ao vencedor de cada proba, ademais dun premio especial de 200 euros á mellor marca feminina e masculina por táboa IAAF da competición. As persoas que se desexen achegar ao gran premio poden facelo ao longo de toda a xornada. O anel de atletismo do campus, que conta con oito rúas con zona para lanzamento de peso e para salto de lonxitude e de pértega, está situado no campo de futbol-rugby universitario.
A competición está organizada polo Club Deportivo Aurum e pola Delegación Provincial da Federación Galega de Atletismo en Ourense, contando co patrocinio, entre outros, do Concello, do Consello Municipal de Deportes e do Servizo Provincial de Deportes da Xunta e coa colaboración da Vicerreitoría do campus, que cede o uso das pistas universitarias. “Para nós é unha satisfacción que o Gran Premio de Atletismo das Festas de Ourense bote a andar, con vocación de continuidade, no campus de Ourense e que atletas de todas as idades e modalidades poidan empregar as nosas instalacións deportivas”, destaca Rodrigo Alberte Pivida, responsable do Servizo de Deportes do campus.
A proba estrela, os 5000 metros masculinos
Durante a mañá do día 22 competirán as categorías, tanto masculinas como femininas, máis novas. Alevíns, infantís e xuvenís disputarán lanzamento de peso, salto de lonxitude e correrán os 50, 60, 80 e 150 metros. Xa pola tarde, realizaranse as probas de adultos e as competicións estrela dos pequenos, como son os 1000 metros infantil e cadete, os 500 metros benxamín e alevín e as finais de lanzamento de peso. Deste xeito, na categoría absoluta poderase ver lanzamento de peso, salto de altura e de pértega, triplo salto, 400 valados e 100, 400, 3000 e 1500 metros. Para rematar a xornada celebrarase a proba estrela do Gran Premio de Atletismo das Festas de Ourense 2013, a proba elite de 5000 metros masculinos. Nela, a organización agarda a participación de destacados atletas entre os que estará o ourensán Alejandro Fernández, que intentará superar a súa marca persoal.Os tres mellores en cada proba da mañá recibirán as súas medallas ás 13.30 h. Na xornada da tarde entregarase ás 22.30 h un trofeo ao vencedor de cada proba, ademais dun premio especial de 200 euros á mellor marca feminina e masculina por táboa IAAF da competición. As persoas que se desexen achegar ao gran premio poden facelo ao longo de toda a xornada. O anel de atletismo do campus, que conta con oito rúas con zona para lanzamento de peso e para salto de lonxitude e de pértega, está situado no campo de futbol-rugby universitario.