Conta con unha dotación económica de un millón de euros
O Campus do Mar consegue a primeira Cátedra UNESCO para a Universidade de Vigo
Dirixida por Gonzalo Méndez, estará centrada no Desenvolvemento Litoral Sostible
Aprobada nun tempo récord, apenas seis meses, e cun orzamento de un millón de euros. O Campus do Mar acaba de conseguir a Cátedra UNESCO en Desenvolvemento Litoral Sostible, a primeira que este organismo das Nacións Unidas concede á Universidade de Vigo e unha das tres en España vinculadas puramente á ordenación litoral xunto con Cádiz e Canarias. Trátase dun proxecto singular “pola súa fortaleza” xa que, ademais de aglutinar a importantes institucións “nun grupo forte e sólido”, tamén é a primeira cátedra da entidade vinculada a un Campus de Excelencia Internacional e a primeira que lle conceden á Universidade da Coruña, ao Consejo Superior de Investigaciones Científicas (CSIC) e ao Instituto Español de Oceanografía, socios da institución viguesa xunto á Universidade de Santiago. “É moi importante a unión de todas estas entidades. Poderiamos ter logrado a Cátedra UNESCO sen o Campus do Mar? Si, pero non con a mesma entidade, diversidade e fortaleza nin tendo tan boa relación entre os cinco socios”, recoñece Gonzalo Méndez, director da cátedra. O programa ten previsto situarse nas instalacións do Campus do Mar na antiga ETEA de Vigo.
Tras asinar o protocolo de colaboración, a Cátedra UNESCO do Campus do Mar centrará a súa atención na excelencia educativa, na investigación e na internacionalización das súas actividades con vistas á cooperación e creación de escenarios interculturais. “Esta cátedra permite visualizar dunha maneira máis nítida, máis intensa, todo o traballo que facemos dentro de España e noutros países. Que saíra ao primeiro intento é cousa boa”, recordou o reitor da Universidade de Vigo, Salustiano Mato. Para fomentar a cooperación interuniversitaria e a transferencia do coñecemento a través das fronteiras, o proxecto focalizará todas as actividades do Campus de Excelencia cara as prioridades da UNESCO mellorando a investigación, capacitación e xeración de programas de desenvolvemento da educación superior.
Entre as primeiras accións concretas da cátedra estará a organización dun congreso sobre Xestión Integral da Zona Costeira e a conservación en áreas de especial afección polo cambio global, previsto para 2013, e outro sobre Modelización en zonas costeiras, para 2014. Ademais, participará na elaboración das axendas estratéxicas dos clúster de I+D do Campus do Mar, a ampliación da rede de contactos cos Pequenos Estados Insulares en Desenvolvemento (PEID) e cos Países Menos Adiantados (PMA), así como impartir conferencias internacionais on line en aberto sobre o desenvolvemento litoral sostible.
Tras asinar o protocolo de colaboración, a Cátedra UNESCO do Campus do Mar centrará a súa atención na excelencia educativa, na investigación e na internacionalización das súas actividades con vistas á cooperación e creación de escenarios interculturais. “Esta cátedra permite visualizar dunha maneira máis nítida, máis intensa, todo o traballo que facemos dentro de España e noutros países. Que saíra ao primeiro intento é cousa boa”, recordou o reitor da Universidade de Vigo, Salustiano Mato. Para fomentar a cooperación interuniversitaria e a transferencia do coñecemento a través das fronteiras, o proxecto focalizará todas as actividades do Campus de Excelencia cara as prioridades da UNESCO mellorando a investigación, capacitación e xeración de programas de desenvolvemento da educación superior.
Primeiros pasos
A nova cátedra porá en marcha un conxunto de actuacións estratéxicas relacionadas coa promoción da xestión sostible dos recursos naturais, a protección medioambiental, a utilización de tecnoloxías dixitais, o intercambio de coñecementos e coa vinculación cos pequenos estados insulares en vías de desenvolvemento. “Esa é unha das nosas fortalezas, xa que temos moi avanzada a relación con Cabo Verde, ademais doutras portas abertas que aumentarán a posibilidade de cumprir obxectivos nun prazo curto. Temos catro anos para demostrar que pagou a pena a aposta da UNESCO por esta cátedra”, subliñou Méndez. Das 715 Cátedras UNESCO concedidas a 830 institucións de 131 países para traballar en máis de 70 campos temáticos, 70 están en España.Entre as primeiras accións concretas da cátedra estará a organización dun congreso sobre Xestión Integral da Zona Costeira e a conservación en áreas de especial afección polo cambio global, previsto para 2013, e outro sobre Modelización en zonas costeiras, para 2014. Ademais, participará na elaboración das axendas estratéxicas dos clúster de I+D do Campus do Mar, a ampliación da rede de contactos cos Pequenos Estados Insulares en Desenvolvemento (PEID) e cos Países Menos Adiantados (PMA), así como impartir conferencias internacionais on line en aberto sobre o desenvolvemento litoral sostible.