A campaña está aberta a toda a comunidade universitaria e a cidadanía en xeral
O campus recolle libros infantís para o Complexo Hospitalario e ONGs
Pódense deixar ao pé da árbore de Nadal do Edificio Politécnico
Se hai alguén que goza coas festas de Nadal eses son os máis pequenos da casa. Entre as vacacións escolares, Papá Noel e os Reis Magos estas datas son especialmente felices para eles. Aínda que esta é a norma xeral, hai nenos que polas circunstancias económicas familiares ou por outro tipo de situacións, como estar no hospital, teñen máis difícil vivir estas festas como desexarían. Pensando en eles, a Facultade de Ciencias e a Escola Superior de Enxeñaría Informática puxeron en marcha no campus de Ourense unha campaña de recollida de libros infantís que teñen previsto entregar á sección de pediatría do Complexo Hospitalario de Ourense e a diversas ONGs.
Calquera membro da comunidade universitaria ou calquera ourensán que desexe participar nesta campaña pódese achegar ata o Edificio Politécnico e na entrada atopará unha árbore de Nadal ao pé da cal pode depositar os libros infantís que desexe. O único requirimento, que veñan envoltos en papel de regalo e que fóra se especifique a idade para a que está destinada. Pedro Araújo, decano da Facultade de Ciencias entre cuxo profesorado naceu a iniciativa, salienta que se optou pola recollida de libros e non doutro tipo de material porque ao tratarse dun campus universitario “aproveitamos a ocasión para fomentar a lectura e a aprendizaxe entre os máis pequenos”.
Con esta iniciativa, o campus únese ás campañas de solidariedade que diferente tipo de entidades organizan durante o Nadal co gallo de facer máis felices estas festas para diversos colectivos, neste caso tendo especialmente en conta aos máis pequenos. Dado que a Universidade é un lugar para o coñecemento, que mellor formato que o dos libros. Por iso os organizadores animan a estudantes, profesores e persoal da Universidade a que poña o seu gran de area deixando libros infantís ao pé da árbore de Nadal do Edificio Politécnico.
Calquera membro da comunidade universitaria ou calquera ourensán que desexe participar nesta campaña pódese achegar ata o Edificio Politécnico e na entrada atopará unha árbore de Nadal ao pé da cal pode depositar os libros infantís que desexe. O único requirimento, que veñan envoltos en papel de regalo e que fóra se especifique a idade para a que está destinada. Pedro Araújo, decano da Facultade de Ciencias entre cuxo profesorado naceu a iniciativa, salienta que se optou pola recollida de libros e non doutro tipo de material porque ao tratarse dun campus universitario “aproveitamos a ocasión para fomentar a lectura e a aprendizaxe entre os máis pequenos”.
Ata o 4 de xaneiro
A recollida de libros está aberta ata o día 4 de xaneiro. Despois os organizadores da iniciativa repartirán os libros entre o Complexo Hospitalario de Ourense e varias ONGs. En caso de que o volume de libros recollido sexa alto existe a posibilidade de facer un primeiro reparto o día de Nadal, tendo en conta que cada vez son máis os rapaces que agardan o seu agasallo coa chegada de Papá Noel.Con esta iniciativa, o campus únese ás campañas de solidariedade que diferente tipo de entidades organizan durante o Nadal co gallo de facer máis felices estas festas para diversos colectivos, neste caso tendo especialmente en conta aos máis pequenos. Dado que a Universidade é un lugar para o coñecemento, que mellor formato que o dos libros. Por iso os organizadores animan a estudantes, profesores e persoal da Universidade a que poña o seu gran de area deixando libros infantís ao pé da árbore de Nadal do Edificio Politécnico.