Diario da Universidade de Vigo
O campus acolleu este luns un acto de Aecc Ourense co gallo do día mundial desta doenza
Contra o cancro, prevención e un enfoque integral da enfermidade
Destacan que coa reforma sanitaria o tratamento dun paciente absorverá o 18% do orzamento familiar
O campus acolleu este luns un acto de Aecc Ourense co gallo do día mundial desta doenza
Debido á reforma sanitaria, o tratamento dun enfermo absorvería o 18% do orzamento familar
Destacan que a mellor arma é a prevención e a rápida diagnose. Beatriz Rodríguez e Agustín Pérez foron os encargados de presentar o acto de Aecc no campus de Ourense
Non fumar, evitar a obesidade, facer deporte diario, comer san, moderar o consumo de alcol, evitar a exposición ao sol, cumprir a lexislación sobre exposición a substancias no traballo, facer probas de detección precoz de cancro de pescozo de útero a partir dos 25 anos e mamografías a partir dos 50, vacinarse contra a hepatite B e realizar probas de detección de cancro de colon desde os 50 anos. Estes son os once consellos que a UE dá aos seus cidadáns para loitar contra esta enfermidade empregando a arma máis eficiente, a prevención. Once consellos que este luns foron lembrados no campus de Ourense co gallo da celebración do Día Mundial contra o Cancro.
A delegación en Ourense da Asociación Española Contra o Cancro Aecc foi a encargada de organizar no campus un acto no que pacientes, voluntarios da entidade e público en xeral se quixeron unir a esta conmemoración e asistir en directo vía web ao Foro contra o cancro. Por un enfoque integral. Detectalo a tempo, pode salvarnos a vida, que organizou Aecc en Madrid coa participación de numerosas autoridades e especialistas. Contra os recortes en sanidade e servizos sociais, as persoas que traballan día a día coas mulleres e homes que padecen esta doenza e cos seus familiares, quixeron aproveitar esta conmemoración para reivindicar tamén o investimento en sanidade e evidenciar as consecuencias do Real Decreto 16/2012. No caso de que se diagnostique un cancro a algún dos membros dunha familia tipo en España, denunciaron desde Aecc, o investimento en saúde pasaría a significar dun 3% do orzamento familiar actual a un 18%.
A pesar da dureza das cifras que se manexan, desde a Asociación Española contra o Cancro tamén quixeron mandar unha mensaxe positiva, pois aínda que se descubran máis casos de cancro, destacan, tamén aumenta a taxa de éxito de curación. Neste senso, fixeron fincapé no aspecto fundamental da prevención a través de hábitos de vida saudables e da detección o antes posible. Para avanzar neste segundo punto, Aecc traballa actualmente para que no caso, por exemplo, do cancro de colon, un dos de maior incidencia en homes e mulleres, se xeralice a diagnose precoz a través dunha proba de cribado de sangue en feces. Unha proba sinxela que, apuntaron, permitiría descubrir o antes posible a enfermidade e comezar a loitar contra ela.
A delegación en Ourense da Asociación Española Contra o Cancro Aecc foi a encargada de organizar no campus un acto no que pacientes, voluntarios da entidade e público en xeral se quixeron unir a esta conmemoración e asistir en directo vía web ao Foro contra o cancro. Por un enfoque integral. Detectalo a tempo, pode salvarnos a vida, que organizou Aecc en Madrid coa participación de numerosas autoridades e especialistas. Contra os recortes en sanidade e servizos sociais, as persoas que traballan día a día coas mulleres e homes que padecen esta doenza e cos seus familiares, quixeron aproveitar esta conmemoración para reivindicar tamén o investimento en sanidade e evidenciar as consecuencias do Real Decreto 16/2012. No caso de que se diagnostique un cancro a algún dos membros dunha familia tipo en España, denunciaron desde Aecc, o investimento en saúde pasaría a significar dun 3% do orzamento familiar actual a un 18%.
O investimento máis eficiente
Beatriz Rodríguez, psico-oncóloga de Aecc en Ourense, foi a encargadas de presentar xunto a Agustín Pérez o acto celebrado en Ourense e no que destacaron a importancia dun enfoque integral á hora de atender aos pacientes. “O cancro é unha enfermidade que afecta a nivel biolóxico pero tamén a nivel psicosocial e polo tanto é imprescindible que se aborde atendendo a estas dúas cuestións”, destacou Rodríguez. Segundo os datos que manexa a súa organización, cada ano se diagnostican unha media de 200.000 casos de cancro en España, país onde no ano 2010 morreron algo máis de 107.000 persoas por esta enfermidade.A pesar da dureza das cifras que se manexan, desde a Asociación Española contra o Cancro tamén quixeron mandar unha mensaxe positiva, pois aínda que se descubran máis casos de cancro, destacan, tamén aumenta a taxa de éxito de curación. Neste senso, fixeron fincapé no aspecto fundamental da prevención a través de hábitos de vida saudables e da detección o antes posible. Para avanzar neste segundo punto, Aecc traballa actualmente para que no caso, por exemplo, do cancro de colon, un dos de maior incidencia en homes e mulleres, se xeralice a diagnose precoz a través dunha proba de cribado de sangue en feces. Unha proba sinxela que, apuntaron, permitiría descubrir o antes posible a enfermidade e comezar a loitar contra ela.