Diario da Universidade de Vigo
O Centro de Linguas abre a matrícula para os cursos de idiomas do segundo cuadrimestre
A oferta inclúe un catálogo de 16 programas docentes
O Centro de Linguas vén de abrir unha nova convocatoria de matrícula para os cursos de idiomas do segundo cuadrimestre. A oferta para o que queda da curso comprende un total de 16 cursos de 12 idiomas diferentes, a maioría dos cales se impartirán no campus de Vigo.
Segundo explica o director do Centro de Linguas, a oferta deste cuadrimestre inclúe “cursos de alemán, árabe, catalán, chinés, francés, italiano, lingua de signos española, portugués, ruso e xaponés, todos eles no campus de Vigo”. A isto hai que engadir os cursos de español para estranxeiros, que se impartirán nos tres campus da Universidade se existe demanda, así como conversa en francés, conversa en inglés –tamén nos tres campus-, inglés B1 para mestrados e clases para a preparación do exame do DELE.
É precisamente o curso de inglés para mestrados unha das novidades deste curso académico que botou a andar “con boa acollida no primeiro cuadrimestre”, explica Figueroa. Segundo o director do Centro de Linguas, este curso está pensado especialmente para os estudantes de mestrados que esixen competencias nunha segunda lingua pero sobre todo para o de Profesora de Educación Secundaria, “no que se require coñecemento dunha lingua estranxeira”. O programa pretende dar resposta á maioría das situacións comunicativas cotiás e académicas e o curso consistirá en clases prácticas de comprensión e expresión oral, comprensión e expresión escrita, gramática e léxico nunha variedade de exercicios e tarefas que simularán situacións comunicativas.
Con todo, o director do centro anima tanto aos membros da comunidade universitaria como á sociedade en xeral a tomar parte nestes cursos, sobre todo en “aqueles idiomas que son máis novos” na nosa contorna como o chinés, xaponés, ruso ou catalán, linguas das que aínda non existe unha ampla oferta formativa fóra da Universidade. Así, Figueroa destacou que os matriculados quedan moi satisfeitos con este primeiro achegamento a estes idiomas e “é unha baza que xogan na procura de emprego ou en experiencias de mobilidade estudantil”.
No referente aos prezos, estes varían segundo a duración dos cursos, sendo para os de 20 horas de 60€ para a comunidade universitaria e 80 para o público en xeral. Para os cursos de 30 horas, os de preparación do DELE, o custe é de 90€ ou 120€. Mentres, para aqueles que se alonguen 45 horas, os prezos van dos 135€ aos 180€ e, finalmente, nos curso de 60 horas a matrícula é 180€ para os membros da comunidade, 240€ para o público e 30€ para os estudantes de intercambio na Universidade de Vigo.
Os asistentes recibirán un certificado acreditativo e, para os universitarios, a validación dos cursos de 20 horas por un crédito e os de 30 horas ou máis por dous créditos.
Segundo explica o director do Centro de Linguas, a oferta deste cuadrimestre inclúe “cursos de alemán, árabe, catalán, chinés, francés, italiano, lingua de signos española, portugués, ruso e xaponés, todos eles no campus de Vigo”. A isto hai que engadir os cursos de español para estranxeiros, que se impartirán nos tres campus da Universidade se existe demanda, así como conversa en francés, conversa en inglés –tamén nos tres campus-, inglés B1 para mestrados e clases para a preparación do exame do DELE.
É precisamente o curso de inglés para mestrados unha das novidades deste curso académico que botou a andar “con boa acollida no primeiro cuadrimestre”, explica Figueroa. Segundo o director do Centro de Linguas, este curso está pensado especialmente para os estudantes de mestrados que esixen competencias nunha segunda lingua pero sobre todo para o de Profesora de Educación Secundaria, “no que se require coñecemento dunha lingua estranxeira”. O programa pretende dar resposta á maioría das situacións comunicativas cotiás e académicas e o curso consistirá en clases prácticas de comprensión e expresión oral, comprensión e expresión escrita, gramática e léxico nunha variedade de exercicios e tarefas que simularán situacións comunicativas.
Novidades deste cuadrimestre
As principais novidades do Centro de Linguas para este segundo cuadrimestre residen nos horarios. O curso de inglés para mestrados contará cun grupo en horario de mañá, así como o curso de conversa en inglés, que complementarán a outros horarios destes cursos, “respondendo así ás demandas dos alumnos”, explica Figueroa.Con todo, o director do centro anima tanto aos membros da comunidade universitaria como á sociedade en xeral a tomar parte nestes cursos, sobre todo en “aqueles idiomas que son máis novos” na nosa contorna como o chinés, xaponés, ruso ou catalán, linguas das que aínda non existe unha ampla oferta formativa fóra da Universidade. Así, Figueroa destacou que os matriculados quedan moi satisfeitos con este primeiro achegamento a estes idiomas e “é unha baza que xogan na procura de emprego ou en experiencias de mobilidade estudantil”.
Prazos e prezos
A matrícula poderá facerse efectiva a través da plataforma Bubela ata o día 29 deste mes de xaneiro e a docencia desenvolverase entre o 8 de febreiro e o 21 de maio.No referente aos prezos, estes varían segundo a duración dos cursos, sendo para os de 20 horas de 60€ para a comunidade universitaria e 80 para o público en xeral. Para os cursos de 30 horas, os de preparación do DELE, o custe é de 90€ ou 120€. Mentres, para aqueles que se alonguen 45 horas, os prezos van dos 135€ aos 180€ e, finalmente, nos curso de 60 horas a matrícula é 180€ para os membros da comunidade, 240€ para o público e 30€ para os estudantes de intercambio na Universidade de Vigo.
Os asistentes recibirán un certificado acreditativo e, para os universitarios, a validación dos cursos de 20 horas por un crédito e os de 30 horas ou máis por dous créditos.