Diario da Universidade de Vigo
Representantes do Centro de Supercomputación de Galicia visitaron a Escola Naval de Marín
O Centro Universitario da Defensa estreita lazos co Cesga
Representantes do Centro de Supercomputación xunto cos da Escola Naval
Unha delegación do Centro de Supercomputación de Galicia (Cesga), composta polo seu director xerente, Javier García Tobío, e o subdirector técnico, Ignacio López Cabido, visitou este luns o Centro Universitario da Defensa na Escola Naval Militar. A finalidade e establecer unha liña de colaboración entre ambas institucións de cara ao futuro. Para iso, e tras ser recibidos polo comandante-director da Escola Naval, capitán de navío Juan L. Sobrino, o director do Centro Universitario da Defensa, José María Pousada, realizou unha presentación na que se mostraban as peculiaridades docentes e de investigación deste centro.
Pola súa banda, o director xerente do Cesga presentou ao equipo directivo do CUD os recursos e proxectos nos que participan, e explicoulles que como centro de cálculo, comunicacións de altas prestacións e servizos avanzados, ten como misión contribuír ao avance da ciencia e a técnica, mediante a investigación e aplicación da computación outros recursos das tecnoloxías da información, en colaboración con outras institucións, para o beneficio da sociedade.
A visita concluíu cun percorrido polas instalacións onde se forman e conviven os futuros oficiais da Armada, como o simulador de navegación, as aulas e laboratorios docentes, a biblioteca académica, o Casino de Alumnos e o propio Centro Universitario da Defensa.
Pola súa banda, o director xerente do Cesga presentou ao equipo directivo do CUD os recursos e proxectos nos que participan, e explicoulles que como centro de cálculo, comunicacións de altas prestacións e servizos avanzados, ten como misión contribuír ao avance da ciencia e a técnica, mediante a investigación e aplicación da computación outros recursos das tecnoloxías da información, en colaboración con outras institucións, para o beneficio da sociedade.
A visita concluíu cun percorrido polas instalacións onde se forman e conviven os futuros oficiais da Armada, como o simulador de navegación, as aulas e laboratorios docentes, a biblioteca académica, o Casino de Alumnos e o propio Centro Universitario da Defensa.