As proxeccións iniciaranse o vindeiro día 21 de setembro
Ciencias Xurídicas estreará con Gilda un innovador ciclo no que une Cine e Dereito Mercantil
A primeira sesión contará coa presenza do expresidente da Comisión Nacional da Competencia, Luis Ber
Gilda, La red social, El dilema, El Soplón… son algún dos títulos que poderán visionar as persoas que se matriculen no 1º Ciclo de Cine e Dereito Mercantil, unha iniciativa posta en marcha desde a Facultade de Ciencias Xurídicas e do Traballo coa idea de darlle ao alumnado e a todas as persoas interesadas nesta temática a posibilidade de achegarse a contidos xurídicos, específicos do dereito mercantil, a través de coñecidas obras cinematográficas.
Cunha periodicidade mensual, a excepción dos meses que coincidan con convocatoria de exames, cada filme permitiralle aos asistentes achegarse a esta rama do Dereito “desde unha perspectiva moi distinta á tradicional”, subliña o profesor Pablo Fernández Carballo-Calero, director do ciclo, que explica que a idea xurdiu porque nunca antes se tiña feito unha actividade deste tipo centrada no eido do Dereito Mercantil, “é máis frecuente, por exemplo, conectar o cine e o Dereito Penal”, especificou o director da actividade facendo así fincapé na novidade da proposta.
Cada sesión iniciarase coa presentación do filme a cargo dun experto en cine e, a continuación, un especialista en Dereito exporá os aspectos xurídicos claves abordados durante a trama. Despois exporase a película e, finalmente, abrirase o coloquio entre os poñentes e os asistentes, que van ter “a oportunidade de escoitar e debater con profesores universitarios de primeiro nivel”.
Para abordar esta temática contarán con dous poñentes “de excepción”: o expresidente da Comisión Nacional da Competencia, Luis Berenguer, e o catedrático de Historia do Cine da Universidade de Santiago de Compostela, José Luis Castro de Paz.
Na seguinte cita, o 26 de outubro, a proxección de La red social servirá de escusa para analizar un dos fenómenos sociais do novo século, a invención de Facebook, e diferentes cuestións relativas á temática da propiedade intelectual.
Esta actividade enmárcase no proxecto de investigación A reforma do dereito da competencia: defensa da competencia, competencia desleal e publicidade, financiado polo Ministerio de Economía e Competitividade e a Xunta de Galicia.
Cunha periodicidade mensual, a excepción dos meses que coincidan con convocatoria de exames, cada filme permitiralle aos asistentes achegarse a esta rama do Dereito “desde unha perspectiva moi distinta á tradicional”, subliña o profesor Pablo Fernández Carballo-Calero, director do ciclo, que explica que a idea xurdiu porque nunca antes se tiña feito unha actividade deste tipo centrada no eido do Dereito Mercantil, “é máis frecuente, por exemplo, conectar o cine e o Dereito Penal”, especificou o director da actividade facendo así fincapé na novidade da proposta.
Cada sesión iniciarase coa presentación do filme a cargo dun experto en cine e, a continuación, un especialista en Dereito exporá os aspectos xurídicos claves abordados durante a trama. Despois exporase a película e, finalmente, abrirase o coloquio entre os poñentes e os asistentes, que van ter “a oportunidade de escoitar e debater con profesores universitarios de primeiro nivel”.
Defensa da competencia, propiedade intelectual...
O ciclo iniciarase o vindeiro día 21 coa proxección de Gilda, un clásico dirixido por Charles Vidor e protagonizada por Rita Hayworth e Glenn Ford. Estreada no 1946, no argumento xoga un papel destacado o monopolio do tungsteno ou Wolframio, material de importancia estratéxica durante a Segunda Guerra Mundial, “o que dá pé a explicar cuestións relativa ás prácticas monopolísticas”, subliñan dende a organización.Para abordar esta temática contarán con dous poñentes “de excepción”: o expresidente da Comisión Nacional da Competencia, Luis Berenguer, e o catedrático de Historia do Cine da Universidade de Santiago de Compostela, José Luis Castro de Paz.
Na seguinte cita, o 26 de outubro, a proxección de La red social servirá de escusa para analizar un dos fenómenos sociais do novo século, a invención de Facebook, e diferentes cuestións relativas á temática da propiedade intelectual.
Matrícula aberta
Con preto de 50 persoas inscritas, a matrícula seguirá aberta ata o vindeiro día 20, só un día antes do inicio da primeira sesión. O importe da inscrición é de 30 euros para o alumnado da Universidade de Vigo, parte do cal pode optar a créditos de libre elección, e de 45 euros para o resto de persoas interesadas.Esta actividade enmárcase no proxecto de investigación A reforma do dereito da competencia: defensa da competencia, competencia desleal e publicidade, financiado polo Ministerio de Economía e Competitividade e a Xunta de Galicia.