Diario da Universidade de Vigo
A Estación de Ciencias Mariñas de Toralla acollerá un módulo práctico destinado a patólogos
Cita a principios de 2012 na ECIMAT para os expertos en diagnose patolóxica de peixes
Foto de familia dos participantes no VII Curso de Diagnose Patolóxica de Peixes
No primeiro cuadrimestre do vindeiro ano a Estación de Ciencias Mariñas de Toralla acollerá un workshop práctico destinado a profesionais, persoal técnico e investigador e alumnado interesado en mellorar os seus coñecementos sobre diagnose sanitaria en peixes. Este módulo práctico que se impartirá na ECIMAT completará a formación impartida no VII Curso de Diagnose Patolóxica en Peixes que se desenvolveu a finais do mes de outubro na sede do Institut d´Estudis Cataláns de Barcelona.
Na edición máis concorrida do curso celebrada ata o de agora participaron 65 persoas, patólogos na súa maioría, que desenvolven a súa actividade nas principais empresas acuícolas e acuarios de exhibición de España, así como en empresas estranxeiras de Italia, Portugal, Reino Unido, China e Grecia e tamén investigadores. Ao longo de catro días abordáronse os principais métodos de protocolización diagnóstica, ferramentas de diagnose e xestión dos resultados para poder mellorar a calidade das avaliacións sanitarias en poboacións de peixes.
O Curso de Diagnose Patolóxica en Peixes está organizado pola ECIMAT, o Servizo de Diagnose Patolóxica de Peixes da Universitat Autònoma de Barcelona e a empresa Skretting España coa colaboración da Xarxa de Referencia de I+D+i en Aqüicultura da Generalitat de Catalunya e do Institut dÉstudis Catalans a través da súa filial a Societat Catalana de Biología.
Na edición máis concorrida do curso celebrada ata o de agora participaron 65 persoas, patólogos na súa maioría, que desenvolven a súa actividade nas principais empresas acuícolas e acuarios de exhibición de España, así como en empresas estranxeiras de Italia, Portugal, Reino Unido, China e Grecia e tamén investigadores. Ao longo de catro días abordáronse os principais métodos de protocolización diagnóstica, ferramentas de diagnose e xestión dos resultados para poder mellorar a calidade das avaliacións sanitarias en poboacións de peixes.
O Curso de Diagnose Patolóxica en Peixes está organizado pola ECIMAT, o Servizo de Diagnose Patolóxica de Peixes da Universitat Autònoma de Barcelona e a empresa Skretting España coa colaboración da Xarxa de Referencia de I+D+i en Aqüicultura da Generalitat de Catalunya e do Institut dÉstudis Catalans a través da súa filial a Societat Catalana de Biología.