Diario da Universidade de Vigo
Os días 2, 3 e 6 de febreiro ás 20.15 horas no Liceo
O conto será o protagonista dos relatorios dos XIX Encontros Literarios
Promovidos pola Deputación Provincial, o Liceo de Ourense e a Universidade de Vigo
Grazas ao éxito de convocatoria e a calidade dos relatores, repiten un ano máis os Encontros Literarios que acadan a décimo novena edición. Promovidos pola Deputación Provincial, o Liceo de Ourense e a Universidade de Vigo, a través da Cátedra Carlos Casares, os relatorios terán lugar os días 2, 3 e 6 de febreiro no Liceo.
O tema das conferencias será, nesta ocasión, O conto da literatura. A literatura do conto; “un acotamento sobre o xénero narrativo pero que a súa vez é moi amplo, xa que existen moitos subxéneros”, explicou Marcos Valcárcel, coordinador dos encontros. A clave do éxito do seu programa “é a ambición e esforzo que poñemos en traer escritores galegos e españois de recoñecido prestixio”.
Na presentación dos relatorios Valcárcel estivo acompañado por José Luís Troitiño, xerente do Liceo e José Luís Baltar, presidente da Deputación, que ademais de agradecer o esforzo que tivo que facer a organización, destacou que “se escolleu un tema moi interesante a con xente de gran éxito”. Por outra banda, Baltar agardou que “grazas ao labor dos medios de comunicación se semente a ilusión entre os cidadáns para que acudan aos encontros”.
Susana Reboreda, recentemente nomeada directora da Área de Coordinación e Estudantes, agredeceu “a axuda do Liceo que sempre está disposto a espallar o apoiar a literatura”, que por outra banda “conta cunha gran experiencia e que sempre mantén unha liña de coherencia e continuidade nas súas accións”.
Sen dúbida, estes encontros servirán para pasar un bo rato e ensinarnos, por exemplo, que “nisto dos contos non temos a hexemonía, algúns dos que pensamos que son exclusivos de Galicia tamén se atopan recollidos noutros lugares”, comentou Valcárcel.
O tema das conferencias será, nesta ocasión, O conto da literatura. A literatura do conto; “un acotamento sobre o xénero narrativo pero que a súa vez é moi amplo, xa que existen moitos subxéneros”, explicou Marcos Valcárcel, coordinador dos encontros. A clave do éxito do seu programa “é a ambición e esforzo que poñemos en traer escritores galegos e españois de recoñecido prestixio”.
Na presentación dos relatorios Valcárcel estivo acompañado por José Luís Troitiño, xerente do Liceo e José Luís Baltar, presidente da Deputación, que ademais de agradecer o esforzo que tivo que facer a organización, destacou que “se escolleu un tema moi interesante a con xente de gran éxito”. Por outra banda, Baltar agardou que “grazas ao labor dos medios de comunicación se semente a ilusión entre os cidadáns para que acudan aos encontros”.
Susana Reboreda, recentemente nomeada directora da Área de Coordinación e Estudantes, agredeceu “a axuda do Liceo que sempre está disposto a espallar o apoiar a literatura”, que por outra banda “conta cunha gran experiencia e que sempre mantén unha liña de coherencia e continuidade nas súas accións”.
Tres días de encontros
Catro escritores de recoñecido prestixio serán os protagonistas dos tres días de relatorios programados dentro dos XIX Encontros Literarios. O luns día 2 de febreiro será José Mª Merino Sánchez o que inicie as xornadas co relatorio Del cuento popular al cuento literario, no que “reflexionará sobre a importancia que ten o pouso da cultura popular e a tradición oral sobre o conto e a literatura en xeral”, indicou Valcárcel. O ourensán Bieito Iglesias Arauxo, “grandísimo amigo e escritor” será o que encha coas súas verbas a tarde do martes 3 grazas ao relatorio Conto contado, burro aparellado. Xa por último o venres 6 de febreiro serán dous os coprotagonistas do encontro, Manuel Vicent e Ángel Sánchez Harguindey que falarán da Memoria literaria. Todas as conferencias serán ás 20.15 horas na Aula de Cultura do Liceo.Sen dúbida, estes encontros servirán para pasar un bo rato e ensinarnos, por exemplo, que “nisto dos contos non temos a hexemonía, algúns dos que pensamos que son exclusivos de Galicia tamén se atopan recollidos noutros lugares”, comentou Valcárcel.