Inauguración da exposición 'Zocas Novas: creatividad de pies a cabeza' este venres na capital españo
Creatividade Galega mete a zoca en Madrid
A mostra quere dar a coñecer a valía dos publicitarios galegos polo territorio nacional
Proxectar o potencial do traballo gráfico 'made in Galicia' nas principais cidades españolas. Este é o obxectivo co que nace a exposición itinerante Zocas Novas: Creatividad de pies a cabeza, promovida pola asociación de publicistas Creatividade Galega. Trátase dunha mostra sobre deseño publicitario feito en Galicia que percorrerá as cidades de Madrid e Barcelona e que ten como principal atractivo a reinterpretación da zoca tradicional polos distintos profesionais membros da asociación. Este venres inaugúrase na galería Madrileña Un chicle en el Tacón onde permanecerá ata o 31 de outubro, cando tomará rumbo a Barcelona.
“Nunca antes se fixera unha exposición desta natureza”, explica Chechu Pérez, profesor da Facultade de Ciencias Sociais e da Comunicación e presidente da asociación, co fin de ter repercusión nas principais cidades da publicidade española "desembarcando ao grande e amosando a nosa valía”, engade. A mostra reúne algunhas das mellores campañas realizadas polas empresas galegas onde tamén se exhiben os 50 pares de zocas tradicionais redeseñadas por creativos e creativas "da casa". Con elas, quérese transmitir as posibilidades que xera a mestura do tradicional coa publicidade, “unha actividade de vangarda da nosa economía”, puntualiza Pérez.