Diario da Universidade de Vigo
Xosé Carlos Caneiro e Ramón Gutiérrez son os seus responsables
O 'Curso de interpretación e creación literaria' cumpre unha década ensinando a escribir
A iniciativa é froito da colaboración entre a Universidade de Vigo e o Concello de Ourense
Ramón Gutiérrez, Ana Garrido e María Lameiras na presentación do curso este mércores
Arredor de 50 alumnos participarán na edición deste curso
Detrás dun texto literario, como unha poesía ou un relato, non só se agocha un momento de inspiración, tamén hai coñecementos e destrezas que é necesario aprender a desenvolver. Así o comprobarán os arredor de 50 alumnos do campus de Ourense que participarán no X Curso de interpretación e creación literaria. As marcas específicas da literatura, os elementos estruturais dun conto, os motivos narrativos ou a construción das personaxes serán algúns dos temas que abordarán.
María Lameiras, vicerreitora do campus de Ourense, salientaba na presentación do curso este mércores a importancia de que a cultura e a educación non se limiten aos contidos curriculares, senón que empapen a formación do alumno como persoa. “O que non coñece a literatura descoñece unha parte moi importante do mundo. Se os alumnos saen deste curso con interese por ler, por coñecer a través da literatura outras realidades, identidades, lugares ou experiencias, será para nós o maior logro”.
O curso celébrase dentro do Programa da Aula Empresa, froito da colaboración da Universidade de Vigo e o Concello de Ourense. Deste xeito, Ana Garrido, concelleira de Educación ourensá, salientaba na presentación a importancia desta cooperación e destacaba que “a permeabilidade da universidade á cidade ten que ser cada vez maior grazas a iniciativas coma esta”.
O curso márcase como obxectivos que os participantes comprendan a singularidade e as características da linguaxe literaria, que identifiquen os elementos estruturais da narrativa, que aprecien a dialéctica entre tradición e renovación no discurso e que valoren o conto literario. Ademais, os organizadores esperan que os alumnos adquiran ou recuperen o pracer da escritura como expresión creativa, desenvolvan os recursos encamiñados a expresarse con precisión e que sexan capaces de contrastar o propio punto de vista co dos outros diante da mensaxe literaria.
Será xa no vindeiro curso académico, do 8 de setembro ao 1 de decembro de 2011, na Facultade de Ciencias da Educación. Ata daquela, os participantes teñen o verán por diante para acumular experiencias e vivencias que logo poderán aprender a transformar en contos ou poemas.
María Lameiras, vicerreitora do campus de Ourense, salientaba na presentación do curso este mércores a importancia de que a cultura e a educación non se limiten aos contidos curriculares, senón que empapen a formación do alumno como persoa. “O que non coñece a literatura descoñece unha parte moi importante do mundo. Se os alumnos saen deste curso con interese por ler, por coñecer a través da literatura outras realidades, identidades, lugares ou experiencias, será para nós o maior logro”.
O curso celébrase dentro do Programa da Aula Empresa, froito da colaboración da Universidade de Vigo e o Concello de Ourense. Deste xeito, Ana Garrido, concelleira de Educación ourensá, salientaba na presentación a importancia desta cooperación e destacaba que “a permeabilidade da universidade á cidade ten que ser cada vez maior grazas a iniciativas coma esta”.
O que se agocha tralas palabras
Pola súa banda, Ramón Gutiérrez, profesor e coordinador do curso xunto ao profesor Xosé Carlos Caneiro, explicaba que esta edición é a décima do curso, unha década na que centos de universitarios se aproximaron un pouco máis ao mundo literario. “Ao igual que a música se agocha detrás das notas, o significado agóchase detrás das palabras”, explicaba Gutiérrez. E será ese significado o que os alumnos que se inscriban no curso aprenderán a transmitir a través das palabras, das estruturas e dos xéneros literarios.O curso márcase como obxectivos que os participantes comprendan a singularidade e as características da linguaxe literaria, que identifiquen os elementos estruturais da narrativa, que aprecien a dialéctica entre tradición e renovación no discurso e que valoren o conto literario. Ademais, os organizadores esperan que os alumnos adquiran ou recuperen o pracer da escritura como expresión creativa, desenvolvan os recursos encamiñados a expresarse con precisión e que sexan capaces de contrastar o propio punto de vista co dos outros diante da mensaxe literaria.
Será xa no vindeiro curso académico, do 8 de setembro ao 1 de decembro de 2011, na Facultade de Ciencias da Educación. Ata daquela, os participantes teñen o verán por diante para acumular experiencias e vivencias que logo poderán aprender a transformar en contos ou poemas.