Coa participación representantes da administración, empresas e ecoloxistas
Un debate na Facultade de Bioloxía pon fronte a fronte as principais oportunidades e ameazas dos transxénicos
No mes de abril miles de persoas manifestáronse en Zaragoza contra os cultivos transxénicos, aqueles que son modificados xeneticamente. O debate científico y social sobre os efectos que estes cultivos teñen sobre a biodiversidade e sobre a saúde humana está cada vez máis presente na rúa. Ao fío desta controversia a Facultade de Bioloxía acolleu un debate para achegar á comunidade universitaria as dúas posturas sobre as que se vertebra o conflito: os que formulan dúbidas e reclaman un debate ético e os que defenden a súa rendibilidade e inocuidade.
Para expor a primeira postura, defendida sobre todo por bioagricultores e ecoloxistas, achegáronse ao campus dous “activistas”, tal como eles mesmos optaron por denominarse: Tom Kucharz, da asociación ecoloxista Verdegaia, e Mª Xosé Ogando, da Plataforma Galega de Antitransxénicos. No lado contrario, contouse coa participación de José Ignacio Ortega Molina, do Ministerio de Medio Ambiente e Medio Rural e Marino, e Conchi Novilla, técnico de asuntos regulatorios e científicos de Monsanto, unha das principais industrias impulsoras das sementes transxénicas.
En representación da administración, José Ignacio Ortega defendeu as importantes vantaxes que supoñen estes cultivos para os agricultores, xa que significan un “importante aumento da calidade e unha maior resistencia ás pragas”. Para Ortega foi grazas á biotecnoloxía que a produción mundial de alimentos no século XX permitiu “alimentar á poboación”. Segundo defendeu, non é lóxico que en España se prohiba a produción destes produtos modificados xeneticamente e “logo os importemos a gran escala porque son absolutamente necesarios, entre outras cousas, para a supervivencia das explotacións gandeiras”. Apoiándose na numerosa lexislación que sobre o tema ten realizado a Unión Europea, considerou que este tipo de produtos non deben ser discriminados con respecto ás plantas tradicionais.
En resposta á actitude defendida por Ortega, a representante da Plataforma Galega Antitransxénicos, Mª Xosé Ogando, recalcou o feito de que nos están empregando como "coellos de indias", en referencia a que “ os alimentos transxénicos que xa estamos comendo non están etiquetados como tales e, polo tanto, ton temos posibilidade de identificalos ou evitalos”. Tamén resaltou a competitividade da agricultura ecolóxica, se ben, “o problema é que a agroquímica está subvencionada e a xente non pode competir con un produto que conta con múltiples axudas públicas”.
En representación de Monsanto, Conchi Novillo, defendeu o “impecable historial” de seguridade destes produtos, que ademais, permiten “evitar as enormes perdas que producen as pragas”. Desde o seu punto de vista, o importante crecemento en hectáreas cultivadas demostra o elevado interese dos agricultores nestes produtos, “sobre todo nas zonas produtoras de millo afectadas polos ataques de taladros”.
O debate, moderado pola xefa de prensa da Universidade, Mª del Carmen Echevarría, contou tamén coa participación do decano da facultade, Pedro Pablo Gallego, que foi o encargado de explicar que son os produtos transxénicos e en que consiste a enxeñaría xenética.
Para expor a primeira postura, defendida sobre todo por bioagricultores e ecoloxistas, achegáronse ao campus dous “activistas”, tal como eles mesmos optaron por denominarse: Tom Kucharz, da asociación ecoloxista Verdegaia, e Mª Xosé Ogando, da Plataforma Galega de Antitransxénicos. No lado contrario, contouse coa participación de José Ignacio Ortega Molina, do Ministerio de Medio Ambiente e Medio Rural e Marino, e Conchi Novilla, técnico de asuntos regulatorios e científicos de Monsanto, unha das principais industrias impulsoras das sementes transxénicas.
A seguridade, tema recorrente para ambas partes
O debate, que contou cunha activa participación do público, partiu dunha primeira rolda de intervencións na que, intercalando pareceres, cada participante estableceu os seus principais puntos de vista. Kucharz foi o primeiro en intervir e esgrimir as principais razóns polas que estes alimentos representan, segundo defendeu, unha ameaza para a agricultura. Entre outras cuestións, negou que estes cultivos supoñan aumentos na produción e denunciou o elevado impacto que teñen sobre o medio ambiente, “algo que cada vez está máis demostrado”, asegurou, pero sobre todo, fixo fincapé en que o “seu cultivo supón someter á poboación a un perigoso experimento a gran escala, xa que a manipulación xenética pode producir efectos imprevistos totalmente nocivos para a saúde”.En representación da administración, José Ignacio Ortega defendeu as importantes vantaxes que supoñen estes cultivos para os agricultores, xa que significan un “importante aumento da calidade e unha maior resistencia ás pragas”. Para Ortega foi grazas á biotecnoloxía que a produción mundial de alimentos no século XX permitiu “alimentar á poboación”. Segundo defendeu, non é lóxico que en España se prohiba a produción destes produtos modificados xeneticamente e “logo os importemos a gran escala porque son absolutamente necesarios, entre outras cousas, para a supervivencia das explotacións gandeiras”. Apoiándose na numerosa lexislación que sobre o tema ten realizado a Unión Europea, considerou que este tipo de produtos non deben ser discriminados con respecto ás plantas tradicionais.
En resposta á actitude defendida por Ortega, a representante da Plataforma Galega Antitransxénicos, Mª Xosé Ogando, recalcou o feito de que nos están empregando como "coellos de indias", en referencia a que “ os alimentos transxénicos que xa estamos comendo non están etiquetados como tales e, polo tanto, ton temos posibilidade de identificalos ou evitalos”. Tamén resaltou a competitividade da agricultura ecolóxica, se ben, “o problema é que a agroquímica está subvencionada e a xente non pode competir con un produto que conta con múltiples axudas públicas”.
En representación de Monsanto, Conchi Novillo, defendeu o “impecable historial” de seguridade destes produtos, que ademais, permiten “evitar as enormes perdas que producen as pragas”. Desde o seu punto de vista, o importante crecemento en hectáreas cultivadas demostra o elevado interese dos agricultores nestes produtos, “sobre todo nas zonas produtoras de millo afectadas polos ataques de taladros”.
O debate, moderado pola xefa de prensa da Universidade, Mª del Carmen Echevarría, contou tamén coa participación do decano da facultade, Pedro Pablo Gallego, que foi o encargado de explicar que son os produtos transxénicos e en que consiste a enxeñaría xenética.